ବଲାଙ୍ଗିର: ପେଟପାଟଣା ଓ ଜୀବନ ଜିବୀକା ପାଇଁ କଂସେଇ ବୃତ୍ତିକୁ ଆପଣେଇଥିବା ମଣିଷ ଯେ ପଶୁପକ୍ଷୀମାନଙ୍କୁ ଭଲପାଇପାରେ ତାହା ଆଖିରେ ନ ଦେଖିଲେ ସହଜରେ ବିଶ୍ୱାସ କରିହେବ ନାହିଁ। ସେଭଳି ଜଣେ ମଣିଷ ହେଉଛନ୍ତି ବଲାଙ୍ଗିର ସହରର ଏମ.ଡି. ମୁଖତାର।
ବଲାଙ୍ଗିର ଭାଗିରଥୀ ଛକ ନିକଟରେ ମୁଖତାର ମାଂସ ବିକ୍ରୟ କରନ୍ତି। କିନ୍ତୁ ଭିତରେ ସେ ପଶୁପକ୍ଷୀମାନଙ୍କୁ ବେଶ ଆଦର କରନ୍ତି। ନିଜ ଘରେ ଗାଇ, ମେଣ୍ଢା ଠାରୁ ଆରମ୍ଭ କରି କୁକୁଡା ଓ ବିଭିନ୍ନ ପ୍ରଜାତିର ଶୁଆ ପୋଷିଥିବା ବେଶ ଖୁସିର ସହ ପ୍ରକାଶ କରିଛନ୍ତି। ଏପରିକି ତାଙ୍କ ଗାଈ ଦୂରରେ ରହିଥିଲେ ମଧ୍ୟ ସେ ଡାକିଲେ ଗାଈ ଦୈାଡି ଆସୁଥିବା କହନ୍ତି ମୁଖତାର। ସେହିଭଳି ତାଙ୍କ ଦୋକାନରେ ରହିଥିବା ଦେଶୀ କୁକୁଡାମାନଙ୍କୁ ଆବଦ୍ଧ କରି ରଖନ୍ତି ନାହିଁ। ଗତ ମାସକ ତଳେ ଜଣେ ଅଜଣା ବ୍ୟକ୍ତି ଏକ ଛୋଟ ବାଜପକ୍ଷୀକୁ ବିକ୍ରୟ କରୁଥିବା ସମୟରେ ସେ ଆଦରର ସହ ତାହା କିଣିଥିଲେ। କୁହାଯାଏ ପକ୍ଷୀମାନଙ୍କ ଭିତରେ ଏକ ବିରଳ ପକ୍ଷୀ କୁହାଯାଉଥିବା ଏହି ବାଜ ପକ୍ଷୀକୁ ମାସକ ଭିତରେ ପୋଷା କରି ସାରିଛନ୍ତି। ନିଜ ଦୋକାନରେ ଏହି ପକ୍ଷୀକୁ ରଖି ଖାଲି ସମୟରେ ସେ ତା ସହିତ ଖେଳିଥାନ୍ତି ବୋଲି ମୁଖତାର କହନ୍ତି। ସେ ଏହି ପଶୁପକ୍ଷୀମାନଙ୍କୁ ବହୁତ ଭଲ ପାଆନ୍ତି ବୋଲି ପ୍ରକାଶ କରିଛନ୍ତି।
