ଚେନ୍ନଇ : ତାମିଲନାଡୁରେ ଡିଏମକେର ପୂର୍ବତନ ମେୟର, ତାଙ୍କ ସ୍ୱାମୀଙ୍କ ସମେତ ୩ ଜଣଙ୍କୁ ହତ୍ୟା କରାଯାଇଛି। ଏହି ହତ୍ୟାକାଣ୍ଡ ମଙ୍ଗଳବାର ରାତିରେ ତିରୁନେଲଭେଲି ସହରରେ ଘଟିଛି।
ପୁଲିସ୍ ସୂଚନା ଅନୁସାରେ ଉମା ମାହେଶ୍ୱରୀ (୬୧), ସ୍ୱାମୀ ମୁରଗ ଶଙ୍କରନ (୬୫) ଏବଂ ଚାକରାଣୀ ମାରୀ (୩୦)ଙ୍କ ଶବ ତାଙ୍କ ଘର ଭିତରୁ ମିଳିଛି। ସେମାନଙ୍କ ଶରୀରରେ ଛୁରି ଓ ବାଡି ଆଘାତର ଚିହ୍ନ ରହିଛି। ଉମା ୧୯୬୬ରେ ଡିଏମକେ ଟିକେଟରେ ତିରୁନେଲଭେଲି ନଗର ନିଗମ ନିର୍ବାଚନରେ ବିଜୟୀ ହୋଇ ସହରର ପ୍ରଥମ ମହିଳା ମେୟର ହୋଇଥିଲେ। ରିପୋର୍ଟ ଅନୁଯାୟୀ ଆକ୍ରମଣକାରୀ ଅପରାହ୍ଣ ପ୍ରାୟ ୫ଟା ବେଳେ ଘରେ ପଶି ଦମ୍ପତିଙ୍କୁ ଆକ୍ରମଣ କରିଥିଲେ। ମାରୀ ସେମାନଙ୍କୁ ବଞ୍ଚାଇବାକୁ ଆସି ଆକ୍ରମଣର ଶିକାର ହୋଇଥିଲା। ଉମାଙ୍କ ଝିଅ ଘଟଣା ସମ୍ପର୍କରେ ପୁଲିସ୍କୁ ସୂଚନା ଦେଇଥିଲେ। ସମ୍ପତ୍ତି ବିବାଦକୁ ନେଇ ଏହି ହତ୍ୟାକାଣ୍ଡ ଘଟିଥାଇ ପାରେ ବୋଲି ପୁଲିସ ସନ୍ଦେହ କରୁଛି। ତଦନ୍ତ ପାଇଁ ଏକ ସ୍ୱତନ୍ତ୍ର ଦଳ ଗଠନ କରାଯାଇଛି। ଫରେନ୍ସିକ ଦଳ ଘଟଣାସ୍ଥଳରୁ କେତେକ ଗୁରୁତ୍ୱପୂର୍ଣ୍ଣ ପ୍ରମାଣ ପାଇଛି ବୋଲି ସୂଚନା ଦିଆଯାଇଛି।
Comments are closed.