ବ୍ରଜରାଜନଗର : ବ୍ରଜରାଜନଗର ଠାକୁରପଡ଼ା ପଡ଼ିଆରେ ବୁଧବାର ରାତିରେ ୫ ଜଣିଆ ଡକାୟତି ଦଳ ଏକ ପେଟ୍ରୋଲ ପମ୍ପରେ ଡକାୟତି କରିବା ପାଇଁ କରିଥିବା ଯୋଜନା ପଣ୍ଡ ହୋଇଥିବା ଜଣାପଡ଼ିଛି। ଉକ୍ତ ଯୋଜନା ବିଷୟରେ କୌଣସିମତେ ବ୍ରଜରାଜନଗର ପୁଲିସ ଖବର ପାଇ ସଦଳବଳ ଘଟଣାସ୍ଥଳରେ ଚଢ଼ାଉ କରି ୫ ଜଣ ଡକାୟତଙ୍କୁ କାବୁ କରିଥିବା ବେଳେ ୨ ଜଣ ଫେରାର ହୋଇ ଯାଇଥିଲେ। ପୁଲିସ ଅଭିଯୁକ୍ତମାନକୁ ଗିରଫ କରି ଗୁରୁବାର କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ସନ୍ତୋଷ ସିଂହ, କାଳିଆ ରାଉତ, ରିଣ୍ଟୁ ନାୟକ, ଧନଞ୍ଜୟ କିଷାନ ଏବଂ ଅମିତ ସା। ସେମାନଙ୍କ ନିକଟରୁ ଗୋଟିଏ ଖଣ୍ଡା, ଭୁଜାଲି, ୩ଟା ଲୁହା ରଡ଼, ମୁଖା ଓ ୫୪୫ ଟଙ୍କା ଜବତ କରାଯାଇଛି। ଗିରଫ ସମସ୍ତ ଡକାୟତଙ୍କ ଘର ବ୍ରଜରାଜନଗର ଅଞ୍ଚଳରେ ବୋଲି ବ୍ରଜରାଜନଗର ଆଇଆଇସି ବିଶ୍ଵାମିତ୍ର ହରପାଲ ସୂଚନା ଦେଇଛନ୍ତି। ଗିରଫ ରିଣ୍ଟୁ ନାୟକ ଓ ଧନଞ୍ଜୟ କିଷାନ ନାମରେ ପୂର୍ବରୁ ବହୁତ ଅପରାଧିକ ମାମଲା ଥିବା ଜଣାପଡ଼ିଛି।
Popular Categories
Previous article
Next article