ନୂଆଦିଲ୍ଲୀ : ମଙ୍ଗଳବାର ବିଶ୍ବକପ୍ ସେମିଫାଇନାଲରେ ନ୍ୟୁଜିଲାଣ୍ଡର ମୁକାବିଲା କରିବ ଭାରତ। ବିରାଟ କୋହଲି ଓ କେନ୍ ୱିଲିୟମ୍ସନ୍ ଏହି ମ୍ୟାଚ୍ରେ ଉଭୟ ଦଳର ନେତୃତ୍ବ ନେବାକୁ ଯାଉଛନ୍ତି। େତବେ ୧୧ ବର୍ଷ ତଳେ ମଧ୍ୟ ବିଶ୍ବକପ୍ରେ ଭାରତ-ନ୍ୟୁଜିଲାଣ୍ଡ ମୁହାଁମୁହିଁ ହୋଇଥିଲେ ଏବଂ ଉଭୟ ଦଳର ନେତୃତ୍ବ ନେଇଥିଲେ କୋହଲି ଓ ୱିଲିୟମ୍ସନ୍। ମାଲେସିଆରେ ୨୦୦୮ରେ ଖେଳା ଯାଇଥିବା ୧୯ ବର୍ଷରୁ କମ୍ ବିଶ୍ବକପ୍ ସେମିଫାଇନାଲରେ ଭାରତ-ନ୍ୟୁଜିଲାଣ୍ଡ ମୁକାବିଲା ହୋଇଥିଲା। ଏଥିରେ ୱିଲିୟମ୍ସନଙ୍କ ନେତୃତ୍ବାଧୀନ ନ୍ୟୁଜିଲାଣ୍ଡକୁ ୩ ୱିକେଟରେ କୋହଲି ନେତୃତ୍ବାଧୀନ ଭାରତ ପରାସ୍ତକରି ଫାଇନାଲରେ ପ୍ରବେଶ କରିଥିଲା। ପରେ ଅଷ୍ଟ୍ରେଲିଆକୁ ହରାଇ କୋହଲିଙ୍କ ଦଳ ଚମ୍ପିଆନ୍ ହୋଇଥିଲା। ଉପରୋକ୍ତ ସେମିଫାଇନାଲରେ କୋହଲି ୪୩ ରନ୍ କରିଥିଲେ ଏବଂ ୨ଟି ୱିକେଟ ନେଇଥିଲେ। ଏହି ମ୍ୟାଚ୍ରେ ନ୍ୟୁଜିଲାଣ୍ଡ ପାଇଁ ଟ୍ରେଣ୍ଟ ବୋଲ୍ଟ ଓ ଟିମ୍ ସାଉଦି ଏବଂ ଭାରତ ପାଇଁ ରବୀନ୍ଦ୍ର ଜାଡ଼େଜା ମଧ୍ୟ ଖେଳିଥିଲେ। ଏମାନେ ଚଳିତ ବିଶ୍ବକପ୍ରେ ମଧ୍ୟ ଖେଳୁଛନ୍ତି। ଦେଖିବା ଏଥର କିଏ ସେମିଫାଇନାଲ ଜିତୁଛି।
Comments are closed.