ମାର୍ଶାଘାଇ : କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଜାତୀୟ ରାଜପଥ ୫(କ)ର ଶିଳିପୁର ଛକ ନିକଟରେ ସଡୁଙ୍କ ଶବ ସତ୍କାର କରିବାକୁ ଆସି ଆଉ ଜଣେ ସଡୁଙ୍କର ସଡକ ଦୁର୍ଘଟଣାରେ ମୃତ୍ୟୁ ଘଟିଥିବା ଜଣାପଡ଼ିଛି । ସୂଚନା ମୁତାବକ, ଶିଳିପୁର ଛକ ନିକଟରେ ପ୍ରଶନ୍ନ ଦାସ ନାମକ ବ୍ୟକ୍ତି ତାଙ୍କ ସଡ଼ୁର ଶବ ସତ୍କାର ପାଇଁ ଆରସିଥିଲେ। ସେ ବାଇକରେ ରାସ୍ତା ପାର ହେଉଥିବା ସମୟରେ ବାଇକକୁ ଏକ ଆଇରନ ଟ୍ରକ ଆସି ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ କେନ୍ଦ୍ରାପଡା ଥାନା ବାଲିଗୋଠ ଗ୍ରାମର ପ୍ରଶନ୍ନ ଦାସ ମୃତ୍ୟୁ ବରଣ କରିଥିବା ବେଳେ ପ୍ରଶନ୍ନଙ୍କ ପୁଅ ମନୋଜ ଦାସ ଓ ସମ୍ପର୍କିୟ ଭାଇ ରଞ୍ଜିତ ଦାସ ଗୁରୁତର ହୋଇଥିଲେ। ଗୁରୁତରଙ୍କୁ ପ୍ରଥମେ ମାର୍ଶାଘାଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରେ ଅବସ୍ଥା ଗୁରୁତର ହେବାରୁ କଟକ ଵଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଏହି ତିନି ଜଣ ଗୋଟିଏ ବାଇକରେ ମାର୍ଶାଘାଇ ଥାନାର ଦୁମୁକା ଗ୍ରାମକୁ ତାଙ୍କ ସଡ଼ୁର ଶବ ସତ୍କାର ପାଇଁ ଆସୁଥିବା ସୂଚନା ମିଳିଛି।
ସଡୁଙ୍କ ଶବ ସତ୍କାର କରିବାକୁ ଆସି ଦୁର୍ଘଟଣାରେ ଜୀବନ ଗଲା
Popular Categories
Previous article
Next article