ଇସଲାମାବାଦ : ଆଫଗାନିସ୍ତାନର ବାରମାଲ ଅଞ୍ଚଳର ମାରଘାରେ ଆମେରିକାର ଡ୍ରୋନ୍ ଆକ୍ରମଣରେ ଶୁକ୍ରବାର ତେହରିକ୍-ଇ-ତାଲିବାନ ପାକିସ୍ତାନ (ଟିଟିପି)ର ଉପମୁଖ୍ୟ ଖାନ ସଇଦ ମେହସୁଦ ଓରଫ ସାଜନା ସମେତ ୪ଆତଙ୍କବାଦୀଙ୍କ ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ଆଫଗାନିସ୍ତାନ ସରକାରଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ ଉତ୍ତର ୱାଜିରସ୍ଥାନର ଆତଙ୍କବାଦୀ ଅଞ୍ଚଳ ଉପରେ ଆମେରିକା ପକ୍ଷରୁ ଡ୍ରୋନ୍ ଆକ୍ରମଣ କରାଯାଇଥିଲା । ଏଥିରେ ଟିଟିପିର ଉପମୁଖ୍ୟ ଖାନ ସଇଦ ସାଜନାର ମୃତ୍ୟୁ ଘଟିଛି । ସାଜନା ପାକିସ୍ତାନୀ ସେନାର ଅତି ଘନିଷ୍ଠ ଥିଲା ଓ ହକ୍କାନି ନେଟୱାର୍କର ସବୁଠୁ ବଡ଼ ସମର୍ଥକ ଥିଲା ବୋଲି
କୁହାଯାଉଛି । ଡ୍ରୋନ୍ ଆକ୍ରମଣରେ ସାଜନା ସହ ତାର ପୁତୁରା ଇସ୍ମାଇଲ ଓ ଦୁଇ ଅଙ୍ଗରକ୍ଷକଙ୍କ ମୃତ୍ୟୁ ଘଟିଛି । ଆମେରିକା ଓ ଆଫଗାନିସ୍ତାନ ସେନା ମିଳିତ ଭାବେ ଆତଙ୍କବାଦୀ ବିରୋଧୀ ଅଭିଯାନକୁ ତ୍ୱରାନ୍ୱିତ କରିଛନ୍ତି । ଆତଙ୍କବାଦୀ ଅଞ୍ଚଳରେ ଆମେରିକା ପକ୍ଷରୁ ଆକାଶମାର୍ଗ ଆକ୍ରମଣକୁ ବଢାଇ
ଦିଆଯାଇଛି ।କରିଛନ୍ତି । ଆତଙ୍କବାଦୀ ଅଞ୍ଚଳରେ ଆମେରିକା ପକ୍ଷରୁ ଆକାଶମାର୍ଗ ଆକ୍ରମଣକୁ ବଢାଇ ଦିଆଯାଇଛି ।
