କଲକାତା : ଗୁଜରାଟର ପାଟିଦାର ନେତା ହାର୍ଦ୍ଦିକ ପଟେଲ କଲକତାଠାରେ ଶୁକ୍ରବାର ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ (ଟିଏମ୍ସି) ଅଧ୍ୟକ୍ଷା ମମତା ବାନାର୍ଜୀଙ୍କୁ ଭେଟିଛନ୍ତି । ଏହି ସାକ୍ଷାତକାର ଅବସରରେ ହାର୍ଦ୍ଦିକ ମାମତାଙ୍କୁ ‘ଲେଡି ଗାନ୍ଧି’ ବୋଲି ଆଖ୍ୟା ଦେଇଥିଲେ । ସେପଟେ ମମତା ମଧ୍ୟ ହାର୍ଦ୍ଦିକଙ୍କୁ ଟିଏମ୍ସିରେ ଯୋଗ ଦେବାକୁ ଆମନ୍ତ୍ରଣ କରିଥିଲେ । ଏହାସହ ୨୦୧୯ ଲୋକସଭା ନିର୍ବାଚନରେ ହାର୍ଦ୍ଦିକ ପଶ୍ଚିମବଙ୍ଗରେ ମମତାଙ୍କ ପାଇଁ ପ୍ରଚାର କରିବେ ବୋଲି ସଂକେତ ଦେଇଛନ୍ତି ।
ସାକ୍ଷାତାକାର ପରେ ହାର୍ଦ୍ଦିକ ଟ୍ୱିଟ୍ କରିଛନ୍ତି ଯେ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କୁ ନିଜ କାର୍ଯ୍ୟାଳୟରୁ କଲକତାରୁ ଦୃଶ୍ୟ ଦେଖାଇଥିଲେ । ପାରଦର୍ଶିତା, ପ୍ରାମାଣିକତା ଓ ନିଜ ବିଚାରଧାରାରେ ଆଗକୁ ବଢିବା ପାଇଁ ସେ ମମତାଙ୍କୁ ଶୁଭକାମନା ଜଣାଇଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜୀ ସାକ୍ଷାତାର ସମୟରେ ହାର୍ଦ୍ଦିକଙ୍କୁ ଟିଏମ୍ସିରେ ଯୋଗଦେଇ ଗୁଜରାଟରେ ଟିଏମ୍ସିର ମଙ୍ଗ ଧରିବାକୁ ଅଫର ଦେଇଥିଲେ ।ପ୍ରକାଶ ଯେ ଗତ ଗୁଜରାଟ ନିର୍ବାଚନ ସମୟରେ ମମତା ବାନାର୍ଜୀ ଫୋନ୍ ଯୋଗେ ହାର୍ଦ୍ଦିକଙ୍କ ସହ କଥା ହୋଇଥିଲେ ।
