ନୂଆଦିଲ୍ଲୀ : ମହାରାଷ୍ଟ୍ରର ଲାଟୁରଠାରେ ଏକ ନିର୍ବାଚନ ସଭାରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଦର୍ଶ ଆଚରଣବିଧି ଲଙ୍ଘନ
କରିଥିବା ଅଭିଯୋଗକୁ ନିର୍ବାଚନ କମିଶନ୍ ଅଗ୍ରାହ୍ୟ କରି ଶ୍ରୀ ମୋଦୀଙ୍କୁ କ୍ଲିନ୍ଚିଟ୍ ଦେଇଛନ୍ତି ।
କମିଶନ୍ ପକ୍ଷରୁ କୁହାଯାଇଛି, ଯେ ପ୍ରଧାନମନ୍ତ୍ରୀଙ୍କ ଭାଷଣକୁ ମୂଳରୁ ଶେଷ ପର୍ଯ୍ୟନ୍ତ ପରୀକ୍ଷା ନିରୀକ୍ଷା କରାଯିବା ପରେ କୌଣସି ସ୍ଥାନରେ ଆଚରଣବିଧି ଲଙ୍ଘନ କରାଯାଇଥିବାର ପ୍ରମାଣ ନାହିଁ ।
ସେହିପରି ମଧ୍ୟପ୍ରଦେଶର ସହଦୋଲରେ ଏକ ନିର୍ବାଚନ ସଭାରେ ଉଦ୍ବୋଧନ ଦେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ପ୍ରଧାନମନ୍ତ୍ରୀଙ୍କ ବିରୁଦ୍ଧରେ ଦେଇଥିବା ମନ୍ତବ୍ୟ ପାଇଁ ଶ୍ରୀ ଗାନ୍ଧିଙ୍କୁ ନିର୍ବାଚନ କମିଶନ୍ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି। ଅହମଦାବାଦରେ ଏକ ନିର୍ବାଚନ ସଭାରେ ଉଦ୍ବୋଧନ ଦେଲାବେଳେ କଂଗ୍ରେସ ନେତା ତଥା ପଞ୍ଜାବ ମନ୍ତ୍ରୀ ନଭଜୋତ ସିଂହ ସିଦ୍ଧୁ ପ୍ରଧାନମନ୍ତ୍ରୀଙ୍କ ବିରୁଦ୍ଧରେ ଦେଇଥିବା ମନ୍ତବ୍ୟ ପାଇଁ ତାଙ୍କୁ ମଧ୍ୟ ନିର୍ବାଚନ କମିଶନ କାରଣ ଦର୍ଶାଅ ନୋଟସ୍ ଜାରି କରିଛନ୍ତି।
