ଦହି ଆଳୁ ବ୍ରେଡ୍‌

ଆବଶ୍ୟକ ସାମଗ୍ରୀ :

ପାଉଁରୁଟି – ୮ରୁ ୧୦

ସିଝା ଆଳୁ – ୨୫୦ଗ୍ରାମ

କିସମିସ୍  (କଟା) – ୧୦ରୁ ୧୫ଟି

ବସା ଦହି – ୨କପ

ତେନ୍ତୁଳି ଚଟଣି – ୧କପ

ସେଉ ଗାଣ୍ଠିଆ

ଚାଟ ମସଲା

ଜିରା ଗୁଣ୍ଡ

ଲୁଣ

ତେଲ

ପ୍ରସ୍ତୁତି ପ୍ରଣାଳୀ :

ପ୍ରଥମେ ପାଉଁରୁଟିକୁ ଚାରି ଭାଗ କରି କାଟି ଦିଅନ୍ତୁ। ତାପରେ ଗ୍ୟାସରେ ଏକ କଡେଇ ବସାଇ ତେଲ ଗରମ କରନ୍ତୁ। ତେଲ ଗରମ ହେଲା ପରେ ସେଥିରେ ପାଉଁରୁଟିକୁ ସୁନେଲୀ ରଙ୍ଗ ହେବା ପର୍ଯ୍ୟନ୍ତ ଭାଜନ୍ତୁ। ତାପରେ ଏକ ପାତ୍ରରେ ଆଳୁକୁ ଛୋଟ ଛୋଟ କରି କାଟି ଦିଅନ୍ତୁ। ତାପରେ ଏକ ବଡ ପାତ୍ରରେ ପାଉଁରୁଟି ଖଣ୍ଡ ଗୁଡିକୁ ଅଲଗା ଅଲଗା କରି ରଖନ୍ତୁ। ସେହି ପାଉଁରୁଟି ଉପରେ କାଟି ଥିବା ଆଳୁ ଓ କିସିମିସ୍ ରଖନ୍ତୁ। ତା’ ଉପରେ ଚାଟ ମସଲା, ଜିରା ଗୁଣ୍ଡ ଓ ଲୁଣ ଆବଶ୍ୟକ ଅନୁଯାୟୀ ପକାନ୍ତୁ। ତା ଉପରେ ଦହି, ସେଉ ଗାଣ୍ଠିଆ ଓ ତେନ୍ତୁଳି ଚଟଣି ପକାଇ ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ ଦହି ଆଳୁ ବ୍ରେଡ୍‌।