ଗୃହ ନିର୍ମାଣ ସମୟରେ ବାସ୍ତୁ ଅନୁଯାୟୀ କେତେକ ବିଶେଷ ଦିଗ ପ୍ରତି ଧ୍ୟାନ ଦେବାକୁ ପଡ଼ିଥାଏ। ସେଭଳି କିଛି ଗୁରୁତ୍ୱପୂର୍ଣ୍ଣ କଥା ମଧ୍ୟରୁ ପୂର୍ବ ଦିଗର ମହତ୍ତ୍ୱ ବିଷୟରେ ଆସନ୍ତୁ ଅଧିକ ଜାଣିବା….
ପୂର୍ବ ଦିଗକୁ ଗ୍ରହମଣ୍ଡଳର ରାଜା ବୋଲି କୁହାଯାଏ। ଏହାକୁ ସୂର୍ଯ୍ୟଙ୍କର ଦିଗ ବୋଲି ମଧ୍ୟ କୁହାଯାଏ। ପୃଥିବୀକୁ ଆଲୋକିତ କରିବା ପାଇଁ ପୂର୍ବ ଦିଗର ଭୂମିକା ଗୁରୁତ୍ୱପୂର୍ଣ୍ଣ।
ବାସ୍ତୁଶାସ୍ତ୍ରରେ ମଧ୍ୟ ପୂର୍ବ ଦିଗକୁ ମହତ୍ତ୍ୱପୂର୍ଣ୍ଣ ସ୍ଥାନ ଦିଆଯାଇଛି। ଭାଗ୍ୟ, ପ୍ରଗତି, ଶାନ୍ତି, ଆଦିର ପ୍ରତିକ ହେଉଛି ପୂର୍ବ ଦିଗ। ପୂର୍ବ ଦିଗକୁ ସର୍ବଦା ଉନ୍ମୁକ୍ତ ରଖିବା ଉଚିତ।
କାରଣ ଏହି ଦିଗ ଦେଇ ଗୃହ ମଧ୍ୟକୁ ସକରାତ୍ମକ ଶକ୍ତି ପ୍ରବେଶ କରିଥାଏ।
ସୂର୍ଯ୍ୟଦେବଙ୍କ ଭଳି ଇନ୍ଦ୍ର ଦେବ ମଧ୍ୟ ପୂର୍ବ ଦିଗର ଅଧିପତି। ଘରର ପୂର୍ବପଟ କାନ୍ଥରେ ଭଗବାନଙ୍କ ଫଟୋ ଲଗାଇବା ଉଚିତ।
ଏହାଦ୍ୱାରା ଭଗବାନଙ୍କ ବିଶେଷ କୃପା ପ୍ରାପ୍ତି ହୋଇଥାଏ। ମାତ୍ର ଏହି ଦିଗରେ ସ୍ନାନଘର, ଶିଢି ଘର, ନିର୍ମାଣ କରିବା ଉଚିତ ନୁହେଁ।
ପୂର୍ବ ଦିଗରେ ଥିବା ଝରକା ଓ ଦ୍ୱାରରେ ହାଲକା ରଙ୍ଗର ପରଦା ବ୍ୟବହାର କରିବା ଉଚିତ।
ପୂର୍ବ ଦିଗରେ ଗୃହର ଠାକୁରଘର ରହିବା ଅତ୍ୟନ୍ତ ଶୁଭପ୍ରଦ। ଘରର ବାଲକୋନି ସର୍ବଦା ପୂର୍ବ ଦିଗରେ ରହିବା ଉଚିତ।
ପିଲାମାନଙ୍କର ପଢାଘର ମଧ୍ୟ ପୂର୍ବ ଦିଗରେ ରହିବା ଅତ୍ୟନ୍ତ ଶୁଭଫଳ ପ୍ରଦାନ କରିଥାଏ। ଏପରି କରିବା ଦ୍ୱାରା ପିଲାମାନଙ୍କ ପାଠପଢାରେ ଅଧିକ ମନ ଲାଗିଥାଏ।
ପୂର୍ବ ଦିଗରେ ନଳକୂପ, ବୋରିଂ, ଆଦି କରିବା ଶୁଭପ୍ରଦ। ଘରର ପୂର୍ବ ଦିଗରେ ବଗିଚା ରହିବା ଅତ୍ୟନ୍ତ ଶୁଭ।
ଘରର ପୂର୍ବ ଦିଗରେ ଅଳିଆ ଆବର୍ଜନା ପକାନ୍ତୁ ନାହିଁ। ଏହା ଦ୍ୱାରା ଘରର ଅମଙ୍ଗଳ ହୋଇଥାଏ।
ପୂର୍ବ ଦିଗ ଭାଗ୍ୟ, ପ୍ରଗତି, ଶାନ୍ତିର ପ୍ରତିକ
Popular Categories
Previous article
Next article