ଅତ୍ୟଧିକ ଚତୁର ଲୋକ ହୋଇପାରନ୍ତି ଭୟଙ୍କର

ଲୋକକଥା ଅନୁଯାୟୀ, ଏକ ଜଙ୍ଗଲରେ ସିଂହ, ଶିଆଳ, କାଉ, ଚିତାବାଘ ରହୁଥିଲେ। ସିଂହ ଯେଉଁ ଶିକାର କରି ଆଣୁଥିଲା , ସେ ଖାଇବା ପରେ ବଳୁଥିବା ଖାଦ୍ୟକୁ ଶିଆଳ, କାଉ, ଚିତାବାଘ ଖାଉଥିଲେ। ଏକଦା ଜଙ୍ଗଲ ମଧ୍ୟକୁ ଏକ ଓଟ ଆସିଲା। ଏହା ଦେଖି ସଭିଏଁ ଚିନ୍ତାରେ ପଡ଼ିଲେ କାରଣ ଓଟ ମରୁଭୂମିରେ ରହେ। ଜୀବଜନ୍ତୁ ମାନେ ଓଟକୁ ପଚାରିବାରୁ ଜଣାପଡ଼ିଲା ଯେ, ଓଟଟି ରାସ୍ତା ଭୁଲି ଯାଇ ଜଙ୍ଗଲକୁ ଆସିଯାଇଛି। ଏହା ଜଣାପଡ଼ିବା ପରେ ରାଜା ସିଂହ  ତା’କୁ ଜଙ୍ଗଲରେ ରହିବାକୁ ଅନୁମତି ଦେଲେ।
ଶିଆଳ, କାଉ, ଚିତାବାଘ ଚାହିୁଁଥିଲେ ସିଂହ ଓଟର ଶିକାର କରୁ। ଯାଦ୍ୱାରା ସେମାନେ ଓଟର ମାଂସ ଖାଇପାରିବେ। ମାତ୍ର ଏହା ଶୁଣି ସିଂହ ମନା କରି ଦେଇଥିଲା।
କିଛି ଦିନ ପରେ ସିଂହ ବେମାର ହୋଇ ଯିବାରୁ ଆଉ ଶିକାର କରିପାରିଲା ନାହିଁ। ଏହି ସମୟରେ ଶିଆଳ, କାଉ, ଚିତାବାଘ ଓଟର ଶିକାର କରିବାକୁ କହିଲେ। ମାତ୍ର ସିଂହ ଏହା ଶୁଣି କହିଲା ଯେ, ମୁଁ ତା’କୁ ଆଶ୍ରୟ ଦେଇଛି , ତାହାର ଶିକାର କରିବି ନାହିଁ। ଏହା ଶୁଣି ଶିଆଳ, କାଉ, ଚିତାବାଘ ଏକ ଯୋଜନା ପ୍ରସ୍ତୁତ କଲେ। ସେମାନେ ନିଜେ ସିଂହ ନିକଟକୁ ଯାଇ କହିଲେ ଆମକୁ ଶିକାର କରି ଖାଆନ୍ତୁ। ମାତ୍ର ଏହା ଶୁଣି ମଧ୍ୟ ସିଂହ ମନା କରିଦେଲା। କିଛି ସମୟ ପରେ ଓଟ ମଧ୍ୟ ସିଂହ ନିକଟକୁ ଯାଇ ତା’କୁ ମାରି ଖାଇବାକୁ କହିଲା। ସିଂହ ମନା କରିଲେ ମଧ୍ୟ ଶିଆଳ, କାଉ, ଚିତାବାଘ ଏହା ଶୁଣି ଓଟକୁ ଆକ୍ରମଣ କରି ମାରିଦେଲେ। ସିଂହ ରୋଗିଣା ଥିବାରୁ କିଛି କରିପାରିଲା ନାହିଁ। ଓଟ ନିରୀହ ଥିବାରୁ ଶିଆଳ, କାଉ, ଚିତାବାଘଙ୍କ ଚତୁରତା ବୁଝି ପାରି ନଥିଲା।
ଶିକ୍ଷା ; ଚତୁର ଲୋକଙ୍କୁ ଅଧିକ ବିଶ୍ୱାସ କରନ୍ତୁ ନାହିଁ। ସେମାନଙ୍କ ଠାରୁ ଯଥାସମ୍ଭବ ଦୂରେଇ ରୁହନ୍ତୁ।