ଭବାନୀପାଟଣା : ପୁଣି ଜଣେ ନବାଳିକା ବଳାତ୍କାର ଶିକାର ହୋଇଛନ୍ତି । ଜଣେ ଷଷ୍ଠ ଶ୍ରେଣୀ ଛାତ୍ରୀଙ୍କୁ ଅପହରଣ ପରେ ଦୁଇ ଦିନ ଧରି ବଳତ୍କାର କରିବା ପରେ ଛାଡି ଦେଇଥିବା ଅଭିଯୋଗ ହୋଇଛି । ଏହି ଅଭିଯୋଗଟି ଆସିଛି କଳାହାଣ୍ଡି ଜିଲ୍ଲା ଭବାନୀପାଟଣା ଅଞ୍ଚଳରୁ । ଅଭିଯୋଗକୁ ଭିତ୍ତି କରି ପୁଲିସ ଅଭିଯୁକ୍ତଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ।
କଳାହାଣ୍ଡି ଜିଲ୍ଲା ଥୂଆମୁଳ ରାମପୁର ଥାନା ଅନ୍ତର୍ଗତ ଡୁମେରପଦର ଗ୍ରାମରେ ଜଣେ ଷଷ୍ଠ ଶ୍ରେଣୀ ଛାତ୍ରୀ ଗତ ୧୭ ତାରିଖ ରାତି ୮ଟାରେ ବଡବାପା ଘରକୁ ଏକୋଇଶିଆ ଭୋଜି ଖାଇବାକୁ ଯାଇଥିଲେ । ସେହି ଗ୍ରାମର ମୁନ୍ନା ନାଏକ(୩୦) ଜଣେ ଯୁବକ ତାଙ୍କୁ ଉଠାଇ ନେଇ ବଳାତ୍କାର କରିବା ସହ ଦୁଇ ଦିନ ଧରି ନାବାଳିକାଙ୍କୁ ପାଖରେ ରଖିବା ପରେ ଗତ ୧୯ ତାରିଖ ସଂଧ୍ୟାରେ ଗାଁ ମୁଣ୍ଡରେ ଛାଡି ଦେଇଥିଲା। ପୀଡିତା ଜଣଙ୍କ ଘରେ ପହଞ୍ଚି ଘଟଣା ବିଷୟରେ କହିବା ପରେ ଗତକାଲି ସଂଧ୍ୟାରେ ଥୂଆମୁଳ ରାମପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୁକ୍ତଙ୍କୁ ଥାନକୁ ନେଇ ପଚରାଉଚରା କରାଯାଉଛି ଏବଂ ଆଜି ପୀଡିତାଙ୍କ ଡାକ୍ତରୀମାଇନା କରାଯିବ ବୋଲି ପୁଲିସ ସୂତ୍ରରୁ ପ୍ରକାଶ ।