ମୁମ୍ବଇ : କରଣ ଜୋହରଙ୍କ ପ୍ରଯୋଜନାରେ ନିର୍ମିତ ଚଳଚ୍ଚିତ୍ର ‘ଷ୍ଟୁଡେଣ୍ଟ ଅଫ୍ ଦି ଇୟର-୨’ର ଟ୍ରେଲର ଶୁକ୍ରବାର(୧୨ ଏପ୍ରିଲ) ରିଲିଜ୍ ହୋଇଛି। ଚଳଚ୍ଚିତ୍ରରେ ଟାଇଗର୍ ଶ୍ରଫ୍, ତାରା ସୁତାରିୟା ଓ ଅନନ୍ୟା ପାଣ୍ଡେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଚଳଚ୍ଚିତ୍ରର ଟ୍ରେଲରକୁ ନିଜେ କରଣ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଏହି ଚଳଚ୍ଚିତ୍ର ମାଧ୍ୟମରେ ତାରା ଓ ଅନନ୍ୟା ପ୍ରଥମ ଥର ପାଇଁ ବଲିଉଡ଼ରେ ପାଦ ଥାପିଛନ୍ତି। ୩ ମିନିଟ୍ ୫ ସେକେଣ୍ଡର ଏହି ଟ୍ରେଲରରେ ସବୁଥର ଭଳି ଟାଇଗରଙ୍କ ଜବରଦସ୍ତ ଆକ୍ସନ ଅବତାର ଦେଖିବାକୁ ମିଳିଛି। ଚଳଚ୍ଚିତ୍ରରେ ତ୍ରିକୋଣୀୟ ପ୍ରେମ କାହାଣୀ ମଧ୍ୟ ଦେଖିବାକୁ ମିଳିବ। ଏଥିରେ କଲେଜରେ ପଢୁଥିବା ଛାତ୍ର ଛାତ୍ରୀଙ୍କ ଜୀବନକୁ ପ୍ରଦର୍ଶିତ ଯାଇଛି। ଉଲ୍ଲେଖଯୋଗ୍ୟ, ଏହି ଚଳଚ୍ଚିତ୍ର କରଣ ଜୋହରଙ୍କ ‘ଷ୍ଟୁଡେଣ୍ଟ ଅଫ୍ ଦି ଇୟର’ର ଦ୍ୱିତୀୟ ଭାଗ। ‘ଷ୍ଟୁଡେଣ୍ଟ ଅଫ୍ ଦି ଇୟର-୨’ ଚଳିତ ବର୍ଷ ମେ ୧୦ ତାରିଖରେ ମୁକ୍ତିଲାଭ କରିବ।
Popular Categories
Previous article
Next article