ଏ ନିର୍ବାଚନ ହେଉଛି ଅସହାୟ ବନାମ ଦୃଢ଼ ନେତୃତ୍ୱ – ପ୍ରଧାନମନ୍ତ୍ରୀ

ଛତିଶଗଡ଼: ଉଦ୍ଦେଶ୍ୟ ଓ ନୀତିର ପ୍ରତିଫଳନ ଦେଶର ଲୋକମାନଙ୍କ ମନରେ ସ୍ପଷ୍ଟ ଭାବେ ରହିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି। ଶନିବାର ଛତିଶଗଡ଼ର ବାଲୁଦ୍‍ ଜିଲ୍ଲା ନିକଟସ୍ଥ ହଥାଉଦ୍‍ ଗାଁଠାରେ ନିର୍ବାଚନୀ ସଭାରେ ମୋଦି କହିଛନ୍ତି, କଂଗ୍ରେସ ଓ ତାର ଅଂଶିଦାର ଦଳଗୁଡି଼କ ଏକ ଅସହାୟ ସରକାର ଗଠନ ପାଇଁ ନିର୍ବାଚନ ଲଢ଼ୁଥିବା ବେଳେ ବିଜେପି ଏକ ଦୃଢ଼ ସରକାର ଗଠନ ପାଇଁ ନିର୍ବାଚନ ଲଢ଼ୁଛି।

ଯଦି ଦୃଢ଼ ସରକାର ଗଠନ ହେବ ତାହେଲେ ଆତଙ୍କବାଦୀ ଆକ୍ରମଣ ପରେ ସରକାର ନିରବରେ ବସିପାରିବେ ନାହିଁ ଏବଂ ମଜବୁତ୍‍ ସରକାର ଗଠନ ହେଲେ ଦେଶ ବିମାନ ଆକ୍ରମଣ ଓ ସର୍ଜିକାଲ୍‍ ଷ୍ଟ୍ରାଇକ୍‍ କରିବାକୁ ସମର୍ଥ ହେବ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ମୋଦୀ କହିଛନ୍ତି, କଂଗ୍ରେସ ଓ ତାର ମିତ୍ର ଦଳଗୁଡି଼କ ଆତଙ୍କବାଦୀ ଓ ବିଚ୍ଛିନ୍ନତାବାଦୀମାନଙ୍କର ସାହସ ବଢ଼ାଇବେ କିନ୍ତୁ ବିଜେପି ସେମାନଙ୍କୁ ଦଣ୍ଡ ଦେବ।