ପାଚିଲା ହେଉ କି କଞ୍ଚା ପଣସ ଖାଇବାକୁ ସମସ୍ତଙ୍କୁ ଭଲ ଲାଗେ। ଏହା ସାଧାରଣତଃ ଖରା ଦିନେ ମିଳିଥାଏ। କଞ୍ଚା ପଣସକୁ ତରକାରୀ ଓ ବିଭିନ୍ନ ସୁସ୍ବାଦୁ ଭୋଜନ ପ୍ରସ୍ତୁତ କରି ଆମେ ଖାଇଥାଉ। ଏହା ପାଟିକୁ ସୁସ୍ବାଦୁ ଲାଗିବା ସହ ଔଷଧ ପରି କାର୍ଯ୍ୟ କରିଥାଏ। ଏଥିରେ ଥିବା ବିଭିନ୍ନ ପୋଷକ ତତ୍ତ୍ବ ଶରୀରକୁ ଅନେକ ରୋଗ ସହ ଲଢିବାରେ ସହାୟକ ହୋଇଥାଏ। ପଣସରେ ଭିଟାମିନ-ସି, ଏ, ଫାଇବର, କ୍ୟାଲସିୟମ, ଆଇରନ, ପୋଟାସିୟମ ପର୍ଯ୍ୟାପ୍ତ ପରିମାଣରେ ରହିଛି। ଆସନ୍ତୁ ଜାଣିବା ପଣସ ଆମ ଶରୀର ପାଇଁ କିପରି ଲାଭଦାୟକ ..
ପଣସରେ ପୋଟାସିୟମ ଥିବାରୁ ତାହା ଆମକୁ ହୃଦଘାତ ଜନିତ ରୋଗ ଠାରୁ ଦୂରେଇ ରଖିଥାଏ।
ଏହାକୁ ଖାଇବା ଦ୍ବାରା ରକ୍ତ ସଞ୍ଚାଳନ ନିୟନ୍ତ୍ରିତ ହୋଇଥାଏ। ଯାହାଦ୍ବାରା ଉଚ୍ଚ ରକ୍ତଚାପ ଥିବା ରୋଗୀଙ୍କ ନିମନ୍ତେ ମଧ୍ୟ ଉପକାରୀ ହୋଇଥାଏ।
ଏଥିରେ ଆଇରନ ଅଂଶ ଥିବାରୁ ଏନିମିଆ ପରି ରୋଗ ଠାରୁ ରକ୍ଷା କରିଥାଏ।
ଆଜମା ରୋଗୀମାନଙ୍କ ପାଇଁ ପଣସ ଔଷଧ ପରି କାର୍ଯ୍ୟ କରିଥାଏ। କଞ୍ଚା ପଣସକୁ କିଛି ସମୟ ପାଣିରେ ସିଝାଇ ଦିଅନ୍ତୁ। ତାପରେ ସେହି ପାଣିକୁ ପିଅନ୍ତୁ। ନିୟମିତ ଏପରି କରିବା ଦ୍ବାରା ଆଜମା ରୋଗରୁ ମୁକ୍ତି ମିଳିଥାଏ।
ପଣସରେ କାଲସିୟମ ଥିବାରୁ ତାହା ଶରୀରରେ ହାଡକୁ ମଜଭୂତ କରିଥାଏ।
ଏହାସହ ଭିଟାମିନ-ସି ଥିବାରୁ ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ।
ପଣସ ଖାଇବା ଦ୍ବାରା ଶରୀରରେ ହରମୋନ ନିୟନ୍ତ୍ରିତ ହୋଇଥାଏ।
Comments are closed.