ନୂଆଦିଲ୍ଲୀ : ଅଗ୍ରଣୀ ଅଟୋମୋବାଇଲ କମ୍ପାନୀ ଟାଟା ମୋଟର୍ସ ନିଜର କିଛି କାରର ଦାମ ବୃଦ୍ଧି କରିବାକୁ ଯାଉଛି। ଯଦି ଆପଣ ଟାଟା ମୋଟର୍ସର କୌଣସି କାର କିଣିବାକୁ ଚାହୁଁଛନ୍ତି, ବହୁଶୀଘ୍ର କିଣିଦିଅନ୍ତୁ। କାରଣ ଏପ୍ରିଲ ମାସରୁ ଟାଟା ମୋଟର୍ସ କିଛି କାର ଉପରେ ୨୫ହଜାର ଟଙ୍କା ପର୍ଯ୍ୟନ୍ତ ବୃଦ୍ଧି କରିବାକୁ ଯାଉଛି।
ଦିନକୁ ଦିନ ଖର୍ଚ୍ଚ ବଢିବା ସହ ବାହ୍ୟ ପରିସ୍ଥିତିକୁ ନଜର ରଖି ଏହି ଦାମ ବୃଦ୍ଧି କରାଯାଇଥିବା ଶନିବାର କମ୍ପାନୀ ତରଫରୁ ସୂଚନା ଦିଆଯାଇଛି। ପୂର୍ବରୁ ଟୟୋଟା ଓ ଜାଗୁଆର ଲ୍ୟାଣ୍ଡ ରୋଭର ନିଜର କିଛି ମଡେଲ ଏପ୍ରିଲ ମାସରେ ବୃଦ୍ଧି କରିବାକୁ ଯାଉଛି।
ଟାଟା ମୋଟର୍ସ ଅଧ୍ୟକ୍ଷ ମୟଙ୍କ ପାରିକଙ୍କ କହିବା ଅନୁସାରେ ବଜାର ସ୍ଥିତି ପରିବର୍ତ୍ତନ, ବାହ୍ୟ ଆର୍ଥୀକ ସ୍ଥିତି କାର ଦାମ ବଢାଇବା ପାଇଁ ବାଧ୍ୟ କରିଛି। ବର୍ତ୍ତମାନ ଟାଟା ମୋଟର୍ସ ପ୍ରିମିୟମ ଏସୟୁଭି ଠାରୁ ଆରମ୍ଭ କରି ହେକ୍ସା ପର୍ଯ୍ୟନ୍ତ ବିକ୍ରି କରାଯାଉଛି ଯାହାର ମୂଲ୍ୟ ୨.୩୬ ଲକ୍ଷ ଠାରୁ ଆରମ୍ଭ କରି ୧୮.୩୭ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି।
