ନୂଆଦିଲ୍ଲୀ : ଶୁକ୍ରବାର ସକାଳେ ଅମୃତସରର ପ୍ରତିଷ୍ଠିତ ସିନିୟର ଷ୍ଟଡି ସ୍କୁଲକୁ ବୋମା ଧମକ ମିଳିଛି। କେହି ସନ୍ଦିଗ୍ଧ କଲ୍ / ମେସେଜ୍ ମାଧ୍ୟମରେ ବୋମା ଧମକ ଦେଇଥିବା ଜଣାପଡିଛି। ଏହାପରେ ପ୍ରଶାସନ ଏବଂ ପୁଲିସ ବାହିନୀ ତତ୍ପରତା ଦେଖାଇଛି। ସ୍କୁଲ କର୍ତ୍ତୃପକ୍ଷ ଏ ନେଇ ତୁରନ୍ତ ପୁଲିସକୁ ଜଣାଇଥିଲେ। ଯାହାପରେ ଅଞ୍ଚଳରେ ସୁରକ୍ଷାକୁ କଡାକଡି କରାଯାଇଥିଲା।
ସୂଚନା ପାଇବା ମାତ୍ରେ, ବୋମା ନିଷ୍କ୍ରିୟକାରୀ ଦଳ, ସନ୍ଧାନୀ କୁକୁର ଏବଂ ଫୋରେନସିକ୍ ଦଳ ଘଟଣାସ୍ଥଳରେ ପହଞ୍ଚି ପୁରା ସ୍କୁଲ କ୍ୟାମ୍ପସକୁ ଖାଲି କରିଛନ୍ତି। ଏବଂ ପିଲାମାନଙ୍କୁ ଘରକୁ ପଠାଇଦିଆଗଲା। ଏହି ଘଟଣା ଅଭିଭାବକଙ୍କ ମଧ୍ୟରେ ଭୟ ଏବଂ ଆତଙ୍କ ସୃଷ୍ଟି କରିଛି। ପରିସ୍ଥିତି ନିୟନ୍ତ୍ରଣରେ ରହିଛି , ତେଣୁ ଭୟଭୀତ ନହେବାକୁ ପୁଲିସ ଅଭିଭାବକ ମାନଙ୍କୁ ଅନୁରୋଧ କରିଛି।
