ସମାଜଲାଇଭ ଡେସ୍କ: ପାକିସ୍ତାନର ଇସଲାମାବାଦସ୍ଥିତ ଜିଲା କୋର୍ଟ ନିକଟରେ ଘଟିଥିବା ବିସ୍ଫୋରଣରେ ମୃତ୍ୟୁ ସଂଖ୍ୟା ୧୨କୁ ବୃଦ୍ଧି ପାଇଛି। ଏହା ଏକ ଆତ୍ମଘାତୀ ବିସ୍ଫୋରଣ ବୋଲି ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ବାଜା ଆସିଫ ଏବଂ ରାଷ୍ଟ୍ରପତି ଆସିଫ ଅଲ ଜର୍ଦ୍ଦାରୀ କହିଛନ୍ତି। କୋର୍ଟରେ ନିକଟରେ ରହିଥିବା ଏକ କାରରେ ବିସ୍ଫୋରଣ ପରେ ସେଥିରେ ନିଆଁ ଲାଗିଯାଇଥିଲା, ଯାହାଫଳରେ ତାହା ଚାରିଆଡକୁ ବ୍ୟାପିଯାଇଥିଲା।
ଘଟଣା ପରେ ପୁଲିସ ଏବଂ ସୁରକ୍ଷାକର୍ମୀ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଥିଲେ। ଆହତମାନଙ୍କୁ ପିଏମଆଇଏସ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନେକ ଆହତଙ୍କ ଅବସ୍ଥା ଗୁରୁତର ରହିଛି। ଉକ୍ତ ଅଞ୍ଚଳକୁ ଘେରାବନ୍ଦୀ କରିଦିଆଯାଇଛି।
