ଝାରସୁଗୁଡ଼ା : ଝାରସୁଗୁଡା ସହରାଞ୍ଚଳ ରେଳ ଓଭର ବ୍ରିଜ୍ ତଳ ରେଳଧାରଣାରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି। ମୃତକ ସମ୍ବଲପୁର ଜିଲ୍ଲାର ନୟାପରା ଅଞ୍ଚଳର ପ୍ରେମ କୁମାର ହିନ୍ଦୁଜା ବୋଲି ଜଣାପଡିଛି। ପ୍ରେମକୁମାର ଝାରସୁଗୁଡ଼ା ସହରସ୍ଥିତ ଭୁଲିଆଟିକ୍ରା ଅଞ୍ଚଳରେ ରହୁଥିବା ତାଙ୍କ ବଡ଼ଭଉଣୀଙ୍କ ଘରକୁ ବୁଲିବାକୁ ଆସିଥିଲେ । ରାତିଅଧରେ ସେ ଘରୁ କେଉଁଆଡେ ଚାଲିଯାଇଥିଲେ । ଭଉଣୀ ଘର ଲୋକେ ତାଙ୍କୁ ବହୁ ଖୋଜାଖୋଜି କରିଥିଲେ । କିନ୍ତୁ ପ୍ରେମକୁମାରଙ୍କୁ ପାଇନଥିଲେ । ଆଜି ରେଳଧାରଣା ନିକଟରୁ ତାଙ୍କର ମୃତଦେହ ମିଳିଥିଲା । ରେଳବାଇ ପୁଲିସ୍ ଏକ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି । ତଦନ୍ତ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ସୂଚନା ମିଳିଛି।
Popular Categories
Previous article
Next article