ବଲାଙ୍ଗିର: ଲୋୟର ସୁକତେଲ ଜଳସେଚନ ପ୍ରକଳ୍ପ ଜିଲାର ଜୀବନରେଖା। ପ୍ରକଳ୍ପ ପାଇଁ ବିସ୍ଥାପିତଙ୍କୁ ଥଇଥାନ କରାଗଲା। କ୍ଷତିପୂରଣ ମଧ୍ୟ ମିଳିଲା। ପୁନର୍ବାସ କେନ୍ଦ୍ରରେ ୩ ବର୍ଷ ବିତିଯାଇଥିଲେ ମଧ୍ୟ ବିସ୍ଥାପିତମାନେ ଆଜି ବି ମୋଳିକ ସୁବିଧାରୁ ବଞ୍ଚିତ ହୋଇଛନ୍ତି।
ଆଜି ବଲାଙ୍ଗିର -ପାଟଣାଗଡ ରାଜ୍ୟ ରାଜପଥ-୪୨ର ରାଜପଥ ଝାଙ୍କରପାଲିଠାରେ ଗଡ଼ଶଙ୍କର ଡୁଙ୍ଗୁରିପାଲିର ବିସ୍ଥାପିତ ଲୋକ ରାସ୍ତା ଅବରୋଧ କରିଛନ୍ତି। ମୌଳିକ ସୁବିଧାରୁ ବଞ୍ଚିତ ହୋଇଥିବାରୁ ଆଜି ସକାଳ ୮ ଟାରୁ ବିକ୍ଷୋଭ ଓ ଧାରଣାରେ ବସିଥିଲେ ବିସ୍ତାପିତ । ବିସ୍ତାପିତ ମାନେ କହିଛନ୍ତି ପ୍ରତିଶ୍ରୁତି ପ୍ରତାରଣା ପାଳଟିଛି । ପ୍ରଶାସନର ଜୁଲମ ଚଳିବ ନାହିଁ । ଆମ ଗାଁରେ ପାଣି ଦରକାର, ବିଜୁଳି ଦରକାର ବୋଲି ନାରା ଦେଇଛନ୍ତି ଧାରଣାରେ ବସିଥିବା ବିସ୍ତାପିତ ।
ଖବର ପାଇ ଉପଜିଲ୍ଲାପାଳ ବିକ୍ଷୋଭ ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ଆଗାମୀ ସାତ ଦିନ ମଧ୍ୟରେ ଲୋକଙ୍କ ସମସ୍ୟାର ସମାଧାନ କରିବାର ପ୍ରତିଶ୍ରୁତି ଦେବା ପରେ ୧୦ଟା୧୫ରେ ରାସ୍ତାରୋକ ହଟିଥିଲା। ବିସ୍ଥାପିତଙ୍କ ତରଫରୁ ୨୧ ଦଫା ଦାବି ଉପସ୍ଥାପନ କରାଯାଇଛି।
