ସମାଜ ଡିଜିଟାଲ ଡେସ୍କ: ଥାନାରୁ ଅଭିଯୁକ୍ତ ଚମ୍ପଟ୍ । କମିଶନରେଟ୍ ପୁଲିସର ଢିଲା ସୁରକ୍ଷା ବ୍ୟବସ୍ଥା ଏବେ ପୁଣି ଥରେ ପଦାରେ ପଡିଛି । ବାନ୍ତି କରିବା ବାହାନାରେ କନଷ୍ଟେବଳଙ୍କୁ ଧକ୍କା ମାରି ଅଭିଯୁକ୍ତ ଚମ୍ପଟ୍ ମାରିଥିବା ସୂଚନା ମିଳିଛି । ଭୁବନେଶ୍ୱର ଚନ୍ଦକ ଥାନାରେ ଏଭଳି ଘଟଣା ଘଟିଛି ।
ମିଳିଥିବା ସୂଚନା ଅନୁସାରେ ମୋବାଇଲ ଚୋରି ଅଭିଯୋଗରେ ଅଭିଯୁକ୍ତକୁ ଗିରଫ କରି ପଚରାଉଚରା କରୁଥିଲା ପୁଲିସ । ଥାନାରେ ଥିବା ବେଳେ ଅଭିଯୁକ୍ତ ଜଣଙ୍କ ବାନ୍ତି କରିବା ବାହାନାରେ ବାହାରକୁ ଆସିଥିଲା । ଏହି ସମୟରେ ଦୁଇ ଜଣ କନଷ୍ଟେବଳଙ୍କୁ ଧକ୍କା ମାରି ଚମ୍ପଟ୍ ମାରିଥିଲା ଅଭିଯୁକ୍ତ । ଅଭିଯୁକ୍ତ ଜଣକ ପଶ୍ଚିମବଙ୍ଗର ରାଜା ବୋଲି ଜଣାପଡିଛି । ଆଇଫୋନ୍ ଚୋରି ଘଟଣାରେ ତାଙ୍କୁ ପୁଲିସ ଗିରଫ କରିଥିଲା ।
