ସମାଜ ଡିଜିଟାଲ ଡେସ୍କ: ଆଜି ଲଞ୍ଚ ହୋଇଛି ଆଇଫୋନ୍-୧୭ । ଏଥିପାଇଁ ମୁମ୍ବଇର ବିକେସି ଜିଓ ସେଣ୍ଟରରେ ଥିବା ଆପେଲ ଷ୍ଟୋର ବାହାରେ ଅସମ୍ଭାଳ ଭିଡ଼ ଦେଖିବାକୁ ମିଳିଛି । ଆଇଫୋନ୍ କିଣିବାକୁ ଲୋକଙ୍କ ମଧ୍ୟରେ ଠେଲାପେଲା ପରିସ୍ଥିତି ସୃଷ୍ଟି ହୋଇଥିବା ଦେଖିବାକୁ ମିଳିଛି । ଯାହା ଫଳରେ ସୁରକ୍ଷା କମୀମାନେ ଆସି ଭିଡ଼ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ । ଏହି ସମୟରେ ସୁରକ୍ଷା କର୍ମୀ ଓ ଲୋକଙ୍କ ମଧ୍ୟରେ ମାରପିଟ୍ ପରିସ୍ଥିତି ଉପୁଜିଛି ।
VIDEO | iPhone 17 series launch: A scuffle broke out among a few people amid the rush outside the Apple Store at BKC Jio Centre, Mumbai, prompting security personnel to intervene.
Large crowds had gathered as people waited eagerly for the iPhone 17 pre-booking.#iPhone17… pic.twitter.com/cskTiCB7yi
— Press Trust of India (@PTI_News) September 19, 2025
ଶୁକ୍ରବାର ଦିନ ଭାରତରେ ଆଇଫୋନ୍-୧୭ ସିରିଜ୍ ବିକ୍ରୟ ଆରମ୍ଭ ହେବା ମାତ୍ରେ ମୁମ୍ବଇ ବାନ୍ଦ୍ରା କୁର୍ଲା କମ୍ପେ୍ଲକ୍ସ ଏବଂ ଦିଲ୍ଲୀର ସାକେତରେ ଥିବା ଆପେଲ ଷ୍ଟୋର ବାହାରେ ଲମ୍ବା ଧାଡି ଲାଗିଥିବା ଦେଖିବାକୁ ମିଳିଛି । ଅନେକ ଗ୍ରାହକ ଏପରିକି ମହାରାଷ୍ଟ୍ର ବାହାରୁ ମଧ୍ୟ ଆସିଥିବା ଜଣାପଡିଛି । ଭିଡ଼ିକୁ ଦେଖି ସ୍ପଷ୍ଟ ହେଉଛି ଯେ ଭାରତରେ ଆପେଲ ଆଇଫୋନ୍ ପ୍ରତି ଆଗ୍ରହ ନିରନ୍ତର ବୃଦ୍ଧି ପାଉଛି ।
#WATCH | Maharashtra: A large number of people throng the Apple store in Mumbai’s BKC as the company begins its iPhone 17 series sale in India from today pic.twitter.com/f6DOcZC5Yk
— ANI (@ANI) September 19, 2025
ଆପେଲ୍ ସେପ୍ଟେମ୍ବର ୯ରେ ଏକ କାର୍ଯ୍ୟକ୍ରମରେ ଆଇଫୋନ୍-୧୭ ଲଞ୍ଚ କରିଥିଲା । ଏହାର ପ୍ରାରମ୍ଭିକ ମୂଲ୍ୟ ୮୨,୯୦୦ ଟଙ୍କା ରଖାଯାଇଛି । ନୂତନ ମଡେଲ୍ ଏବେ ଏକ ବଡ ୬.୩ ଇଞ୍ଚ ଡିସପ୍ଲେ ଏବଂ ୧୨୦ଏଚଜେଡ୍ ପ୍ରୋମୋସନ୍ ରିଫ୍ରେସ୍ ରେଟ୍ ସହିତ ଆସୁଛି । କ୍ୟାମେରା ସିଷ୍ଟମରେ ମଧ୍ୟ ଏକ ବଡ ପରିବର୍ତ୍ତନ କରାଯାଇଛି । ଏଥିରେ ଏକ ୪୮-ମେଗାପିକ୍ସେଲ ଡୁଆଲ୍ ଫ୍ୟୁଜନ୍ କ୍ୟାମେରା ରହିଛି । ଯାହା ମେନ୍ କ୍ୟାମେରା ଏବଂ ଏକ ଟେଲିଫୋଟୋ ଲେନ୍ସର କ୍ଷମତାକୁ ମିଶ୍ରଣ କରିଥାଏ ।
