ନୂଆଦିଲ୍ଲୀ: ଭାରତୀୟ ନିର୍ବାଚନ କମିଶନଙ୍କ ଉପରେ ରାହୁଲ ଗାନ୍ଧୀ ଆଣିଥିବା ଅଭିଯୋଗକୁ ନେଇ ପ୍ରତିକ୍ରିୟା ରଖିଛନ୍ତି ନିର୍ବାଚନ କମିଶନ ଜ୍ଞାନେଶ କୁମାର । ଗତ ନିର୍ବାଚନରେ କର୍ଣ୍ଣାଟକରେ ଭୋଟ ଡିଲିଟ କରିବା ନେଇ ଆଜି ସାମ୍ବାଦିକ ସମ୍ମିଳନୀ କରି ଗମ୍ଭୀର ଅଭିଯୋଗ ଆଣିଛନ୍ତି ରାହୁଲ । ରାହୁଲଙ୍କ ସାମ୍ବାଦିକ ସମ୍ମିଳନୀ ଶେଷ ହେବା ପରେ ତୁରନ୍ତ ନିର୍ବାଚନ କମିଶନ ଏହାର ଜବାବ ରଖିଛନ୍ତି । ଅଭିଯୋଗକୁ ଖଣ୍ଡନ କରିବା ସହ ରାହୁଲଙ୍କ ଅଭିଯୋଗର ପ୍ରତିବାଦ କରି କହିଥିଲେ ଯେ ଅଭିଯୋଗ ଗୁଡିକ ଭିତ୍ତିହୀନ ଏବଂ ଅମୂଳକ । କମିଶନ କହିଛନ୍ତି ଯେ ଅନଲାଇନରେ କୌଣସି ଭୋଟ୍ କାଟିବା ସମ୍ଭବ ନୁହେଁ ।
ରାହୁଲ ଅଭିଯୋଗ କରିଥିଲେ ଯେ କର୍ଣ୍ଣାଟକର ଅଲନ୍ଦା ନିର୍ବାଚନମଣ୍ଡଳୀରୁ ୬.୦୧୮ ଭୋଟ୍ କାଟି ଦିଆଯାଇଥିଲା । ନିର୍ବାଚନ ଆୟୋଗ ପ୍ରତିକ୍ରିୟା ଦେଇ କହିଛନ୍ତି ଯେ ୨୦୨୩ମସିହାରେ ଅଲନ୍ଦାରେ ଏପରି ଏକ ପ୍ରୟାସ ହୋଇଥିଲା । ଏହି ମାମଲାରେ ନିର୍ବାଚନ କମିଶନ ନିଜେ ଏକ ଏଫଆଇଆର ଦାୟର କରିଥିଲେ ।
