ସମ୍ବଲପୁର: ବହୁଚର୍ଚ୍ଚିତ ବେଲପାହାଡ଼ ମ୍ୟୁନିସିପାଲଟି ଦୁର୍ନୀତି ଘଟଣାରେ ନିଲମ୍ବିତ ନିର୍ବାହୀ ଅଧିକାରୀ ମଧୁସ୍ମିତା ସିଂହଙ୍କୁ ମିଳିଲା ନାହିଁ ଜାମିନ୍ ।
ମଧୁସ୍ମିତା ସିଂହଙ୍କୁ ଗତ ୨ ତାରିଖରେ ଇଓଡବ୍ଲ୍ୟୁ ଗିରଫ କରିଥିବା ବେଳେ ୩ ତାରିଖରେ ସମ୍ବଲପୁର ଓପିଆଇଡି କୋର୍ଟରେ ତାଙ୍କୁ ହାଜର କରାଯାଇଥିଲା। ୩ ତାରିଖରୁ ସୁଶ୍ରୀ ସିଂହ ସମ୍ବଲପୁର ମହିଳା ଜେଲ୍ରେ ରହିଛନ୍ତି। ଗତ ୬ ତାରିଖରେ ତାଙ୍କର ଜାମିନ୍ ଆବେଦନର ଶୁଣାଣି ଥିବା ବେଳେ ଇଓଡବ୍ଲ୍ୟୁର କେସ୍ ଡାଏରି ଆସି ନ ଥିବାରୁ ଶୁଣାଣି ଘୁଞ୍ଚିଥିଲା। ମଙ୍ଗଳବାର ପୁଣି ଥରେ ତାଙ୍କ ଜାମିନ୍ ଆବେଦନର ଶୁଣାଣି ପାଇଁ ତାରିଖ ଧାର୍ଯ୍ୟ ହୋଇଥିଲା ।
ହେଲେ ମଙ୍ଗଳବାର ଏହି ମାମଲାର ସିଡ଼ି ଆସି ନ ଥିବା ଯୋଗୁଁ ପୁଣି ଆସନ୍ତା ସୋମବାର ପର୍ଯ୍ୟନ୍ତ ଏହାର ଶୁଣାଣି ଘୁଞ୍ଚାଯାଇଛି ।
