ସମାଜ ଡିଜିଟାଲ ଡେସ୍କ: ସୋମବାର ସକାଳେ ଝାଡଖଣ୍ଡର ହଜାରିବାଗ ଜିଲାରେ ସୁରକ୍ଷାବହିନୀଙ୍କ ଏନକାଉଣ୍ଟରେ ତିନି ଜଣ ମାଓବାଦୀ ନିହତ ହୋଇଛନ୍ତି । ତିନି ମାଓବାଦୀ ସେଲେ ସହଦେବ ସୋରେନ୍, ରଘୁନାଥ ହେମ୍ବ୍ରମ ଓ ବୀରସେନ ଗଞ୍ଜୁ । ଏହି ତିନି ଜଣଙ୍କ ମଧ୍ୟରୁ ସହଦେବ ସୋରେନଙ୍କ ମୁଣ୍ଡରେ ୧କୋଟି ଟଙ୍କାର ପୁରସ୍କାର ରାଶି ଘୋଷଣା ହୋଇଥିଲା । ପୁଲିସ ସୂତ୍ରରୁ ଜଣାପଡିଛି ଯେ ଏହି ଏନକାଉଣ୍ଟର ଆଜି ସକାଳ ପ୍ରାୟ ୬ଟା ସମୟରେ ଗୋହର ଥାନା ଅଞ୍ଚଳର ପାଣ୍ଟିତ୍ରୀ ଜଙ୍ଗଲରେ ହୋଇଥିଲା ।
ତେବେ ଝାଡଖଣ୍ଡ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ପାଇଁ ସବୁଠାରୁ ବିପଜ୍ଜନକ ମାଓନେତା ଥିଲା ସହଦେବ ସୋରେନ । ଜଣେ ଅଧିକାରୀ କହିଛନ୍ତି ଯେ ସର୍ଚ୍ଚ ଅପରେସନ ସମୟରେ ସହଦେବ ସୋରେନ ଏବଂ ଅନ୍ୟ ଦୁଇ ଜଣ ମାଓବାଦୀଙ୍କ ମୃତ୍ୟୁ ହୋଇଛି ।
ମିଳିଥିବା ସୂଚନା ଅନୁସାରେ ହଜାରିବାଗରେ ସିଆରପିଏଫ୍ ଓ ଝାଡଖଣ୍ଡ ପୁଲିସ ମିଳିତ ଅପରେସନ ଆରମ୍ଭ ହୋଇଥିଲା । ଏଥିରେ ମାଓବାଦୀ ମାନେ ଲୁଚି ରହିଥିବା ସମ୍ଭାବନା ଥିବା ସମସ୍ତ ଅଞ୍ଚଳ ଯାଞ୍ଚ କରାଯାଇଥିଲା । ଏହି ଅପରେସନର ମୂଳ ଲକ୍ଷ୍ୟ ହେଉଛି ସ୍ଥାନୀୟ ଅଞ୍ଚଳର ଲୋକଙ୍କ ସୁରକ୍ଷା ଏବଂ ମାଓ କାର୍ଯ୍ୟକଳାପକୁ ସମ୍ପୂର୍ଣ୍ଣ ଭାବରେ ସମାପ୍ତ କରିବା । ସୁରକ୍ଷା ବାହିନୀ ପକ୍ଷରୁ କୁହାଯାଇଛି ଯେ ଏହି ଏନକାଉଣ୍ଟର ମାଓ ନେଟୱାର୍କ ଉପରେ ଏକ ବଡ ପ୍ରଭାବ ପକାଇଛି ଏବଂ ସେମାନଙ୍କର ସମସ୍ତ ଯୋଜନାକୁ ଦୁର୍ବଳ କରିଛି । ଅନ୍ୟ ମାଓବାଦୀଙ୍କୁ ଧରିବା ପାଇଁ ସର୍ଚ୍ଚ ଅପରେସନ ଏବେ ବି ସ୍ଥାନୀୟ ଅଞ୍ଚଳରେ ଜାରି ରହିଛି ।
