ମେଷ: ଲୋକପୂଜ୍ୟ ହେବେ। କୃପଣ ସ୍ବଭାବସମ୍ପନ୍ନ ହୋଇପାରନ୍ତି। ପରସେବକ ହେବେ। ନିଷ୍ଠୁର ସ୍ବଭାବସମ୍ପନ୍ନ ହେବେ। କର୍ମଚଞ୍ଚଳ ରହିବେ। ଧନଶାଳୀ ହେବେ। ଖାଦ୍ୟରେ ନିର୍ଲୋଭ ଓ ଅନ୍ୟାନ୍ୟ କ୍ଷେତ୍ରରେ ଲୋଭୀ ହେବେ।
ବୃଷ: ଦେବ କାର୍ଯ୍ୟ ସମ୍ପାଦନ କରି ଆତ୍ମସନ୍ତୋଷ ଲାଭ କରିବେ। ନାମାବଳୀ ବସ୍ତ୍ର ପରିଧାନରେ ଆଗ୍ରହୀ ହେବେ। ପତ୍ନୀଙ୍କ ମନସ୍କାମନା ପୂରଣ ପାଇଁ ଧନ ବ୍ୟୟ କରିପାରନ୍ତି। କର୍ମତତ୍ପର ରହିବେ। ସୁସ୍ଥ ଓ ନିରାମୟ ରହିବେ।
ମିଥୁନ: ବାଣିଜ୍ୟ କାରବାର ବିଶେଷ ଲାଭଦାୟକ ହେବ। ସହଧର୍ମିଣୀଙ୍କ ପରାମର୍ଶରେ ପରିଚାଳିତ ହୋଇପାରନ୍ତି। ନବବସ୍ତ୍ର ପରିଧାନ କରି ପୁଷ୍ପ ଭରଣ ହୋଇପାରନ୍ତି। ବିଭିନ୍ନ ସୂତ୍ରରୁ ଧନଲାଭ ହୋଇପାରେ।
କର୍କଟ: ଚାରାରୋପଣାଦି କାର୍ଯ୍ୟରେ ନିଜକୁ ନିୟୋଜିତ କରିପାରନ୍ତି। କୂପ ଖନନ କାର୍ଯ୍ୟରୁ ଧନ ପ୍ରାପ୍ତ ହୋଇପାରନ୍ତି। ଘାଟ ନିଲାମରେ ଧନ ବ୍ୟୟ କରି ଲାଭବାନ୍ ହେବେ। ଦୀନ, ଦରିଦ୍ରଙ୍କ ପ୍ରତି ଦୟାଭାବ ରହିବ।
ସିଂହ: ପରଧର୍ମ ଗ୍ରହଣରେ କୁଣ୍ଠା ପ୍ରକାଶ କରିବେ ନାହିଁ। ସ୍ବଧର୍ମ କ୍ରିୟା ନିଷ୍ଠାର ସହ ପାଳନ କରିବେ। ତୀର୍ଥଯାତ୍ରୀଙ୍କ ସେବା ପ୍ରତି ଆଗ୍ରହୀ ହେବେ। ସମସ୍ୟା ସମାଧାନରେ ଦୃଢ଼ ପୌରୁଷର ପରିଚୟ ଦେବେ।
କନ୍ୟା: ପତ୍ନୀଙ୍କ ପରାମର୍ଶରେ ସଂଶୋଧନ ପ୍ରକ୍ରିୟା ପ୍ରୟୋଗ କରି ଗ୍ରହଣ କଲେ ତାହା ଶୁଭ ଓ ଲାଭଦାୟକ ହେବ। ହିଂସା ମାର୍ଗରୁ ନିଜକୁ ମୁକ୍ତ ରଖିପାରନ୍ତି। ପ୍ରତ୍ୟେକ କ୍ଷେତ୍ରରେ ଓ କାର୍ଯ୍ୟରେ ସତର୍କତା ଜରୁରୀ।
ତୁଳା: ପତ୍ନୀ ଗୁଣବତୀ ଓ ବିବିଧ ଜ୍ଞାନଗରିମାଯୁକ୍ତ ହେବେ। ପଦାର୍ଥ ପ୍ରିୟ ହୋଇପାରନ୍ତି। ଧର୍ମଧାରଣାରେ ସ୍ବାମୀଙ୍କ ମଙ୍ଗଳାକାଂକ୍ଷୀ ହୋଇପାରନ୍ତି। ବିନୀତ ସ୍ବଭାବୀ ଓ ପରୋପକାରୀ ଭାବେ ସୁନାମ ଅର୍ଜନ କରିବେ।
ବିଛା: ପରିବାର ସ୍ନେହୀ ବିଶେଷ କରି ଭ୍ରାତୃ ସ୍ନେହୀ ହେବ। ସ୍ବଧର୍ମ ଓ କର୍ମବଳରେ ଶତ୍ରୁତାର ଅବସାନ ଘଟାଇବେ। ପଦପଦବୀଯୁକ୍ତ ହୋଇ ଅଧସ୍ତନ ସ୍ନେହୀ ଓ କର୍ତ୍ତୃପକ୍ଷଙ୍କ ପ୍ରଶଂସାର ପାତ୍ର ହେବେ।
ଧନୁ: ଗୁଣବାନ୍ ଓ ସତ୍ ଚରିତ୍ରଯୁକ୍ତ ବଳିଷ୍ଠ ପୁତ୍ରଯୁକ୍ତ ହେବେ। ସେବାପ୍ରିୟ ହେବାର କାର୍ଯ୍ୟକଳାପରୁ ସୂଚନା ମିଳୁଛି। ମାନସମ୍ମାନଯୁକ୍ତ ହୋଇପାରନ୍ତି। ଉପାଦେୟ ପୁସ୍ତକ ଅଧ୍ୟୟନରେ ନିବିଷ୍ଟ ହେବେ।
ମକର: ପିତୃସେବାରୁ ଆୟୁଷ୍ମାନ୍ ହେବେ। ଜଳାଶୟ ନିର୍ମାଣ କରି କୃଷି, କୃଷକ ଓ ଗୋମହିଷାଦି ଜଳପାନର ବ୍ୟବସ୍ଥା କରି ଆତ୍ମସନ୍ତୋଷ ଲାଭ କରିବେ। ଯାନବାହାନାଦି ସୁଖ ଭୋଗ ଅଛି। ଗୃହ ପ୍ରବେଶ ଯୋଗ ଅଛି।
କୁମ୍ଭ: କ୍ଷମାଶୀଳ ହୋଇପାରନ୍ତି। ଉପକାରୀ ବ୍ୟକ୍ତିବିଶେଷଙ୍କ ନିକଟରେ କୃତଜ୍ଞ ହେବେ। ସଦାସର୍ବଦା ତଥା ସକଳ କ୍ଷେତ୍ରରେ ସତ୍ୟଯୁକ୍ତ ହେବେ। ସୁଶୀଳ ହେବେ। ପଣ୍ଡିତମାନଙ୍କ ସହିତ ମିତ୍ରତା ସ୍ଥାପନ କରିବେ।
ମୀନ: ବହୁ ଉପାୟରେ ଧନ ସଂଗ୍ରହ କରିପାରନ୍ତି। ଉପବାସାଦି କ୍ରିୟାରୁ ମଧ୍ୟ ଧନ ସଞ୍ଚୟ କରିବେ। ବିଦ୍ୟା ପ୍ରଭାବରେ ଧନ ଅର୍ଜନ କରିପାରନ୍ତି। ବ୍ୟବସାୟରୁ ଆଶାନୁରୂପ ଧନ ସଂଗ୍ରହ କରିବେ। ଧନ ମିଳିପାରେ।
