ଭୁବନେଶ୍ବର : ଟିଭିଏସ୍ ମୋଟର କମ୍ପାନୀ ଭାରତର ପ୍ରଥମ ହାଇପର ସ୍ପୋର୍ଟ ସ୍କୁଟର ଟିଭିଏସ୍ ଏନଟର୍କ ୧୫୦ ଲଞ୍ଚ୍ କରିଦେଇଛି । ଏହା ଦେଶର ସବୁଠାରୁ ଫାଷ୍ଟ ସ୍କୁଟର ଯାହା ମାତ୍ର ୬.୩ ସେକେଣ୍ଡରେ ଶୂନ୍ୟରୁ ୬୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରିବ । ଏହାର ପ୍ରାରମ୍ଭିକ ଦାମ୍ ମାତ୍ର ୧,୧୯,୦୦୦ ଟଙ୍କା ରଖାଯାଇଛି ।
ଏଥିରେ ୧୪୯.୭ ସିସିର ଏୟାର କୁଲ୍ଡ ଇଞ୍ଜିନ୍ ମିଳୁଛି ଯାହା ୭ ହଜାର ଆରପିଏମରେ ୧୩.୨ ପିଏସ୍ ପାଓ୍ବର ଆଉଟପୁଟ୍ ଉତ୍ପନ କରିବାରେ ସକ୍ଷମ ଏବଂ ୫,୫୦୦ ଆରପିଏମରେ ୧୪.୨ ଏନଏମର ଟର୍କ ଉତ୍ପନ କରିବାରେ ସକ୍ଷମ । ଏହାର ସର୍ବାଧିକ ସ୍ପିଡ୍ ୧୦୪ କିଲୋମିଟର ପ୍ରତି ଘଣ୍ଟା ରହିବ। ସ୍କୁଟରରେ କମ୍ପାନୀ ଏବିଏସ୍ ଓ ଟ୍ରାକ୍ସନ କଣ୍ଟ୍ରୋଲ ଅଫର କରୁଛି କମ୍ପାନୀ । ଏଥିରେ ରେସ୍ ଓ ଷ୍ଟ୍ରିଟ୍ ମୋଡ୍ ଦେଇଛି କମ୍ପାନୀ ।
ଯୁବପିଢିଙ୍କୁ ନଜରରେ ରଖି କମ୍ପାନୀ ଏହି ସ୍କୁଟର ପ୍ରସ୍ତୁତ କରିଛି । ଏଥିରେ ୫୦ରୁ ଅଧିକ କନେକ୍ଟେଡ୍ ଫିଚର୍ ଓ ଆଲେକ୍ସା ଏଣ୍ଡ୍ ସ୍ମାର୍ଟସ୍ବିଚ୍ ଇଣ୍ଟିଗ୍ରେସନ ଦିଆଯାଇଛି । ଏଥିରେ ଟର୍ଣ୍ଣ ବାଏ ଟର୍ଣ୍ଣ ନେଭିଗେସନ ଦିଆଯାଇଛି । ଏହା ବ୍ୟତୀତ କଲ୍, ମେସେଜ୍ ଓ ଅନ୍ୟ ଆଲର୍ଟ ଦେଖିବାକୁ ମିଳିବ । ବଜାରରେ ଏହା ୟାମାହା ଏବଂ ହୋଣ୍ଡାର ସ୍କୁଟର ସହ ମୁକାବିଲା କରିବ ।
