ଆଠଗଡ : ଆଠଗଡ ବ୍ଲକ ଅନ୍ତର୍ଗତ ଦୋରଡ ପଞ୍ଚାୟତ ଅଧିନ ଗୋପୀନାଥପୁର ଗ୍ରାମରେ ଦୀର୍ଘ ଦିନ ହେଲା ପାନୀୟ ଜଳ ସମସ୍ୟା ଓ ରାସ୍ତା ଶୋଚନୀୟ ଅବସ୍ଥାରେ ରହିଛି । ଏହାକୁ ନେଇ ଗୋପୀନାଥପୁର ଗ୍ରାମବାସୀ ବାରମ୍ବାର ଅଭିଯୋଗ କଲା ପରେ ମଧ୍ଯ ପଞ୍ଚାୟତ କର୍ତ୍ତୃପକ୍ଷ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କଲେନାହିଁ। ଏହାର ପ୍ରତିବାଦରେ ଶୁକ୍ରବାର ଅସନ୍ତୁଷ୍ଟ ଗ୍ରାମବାସୀ ଦୋରଡ ପଞ୍ଚାୟତ କାର୍ଯ୍ୟାଳୟ ମୁଖ୍ଯ ଫାଟକରେ ତାଲା ପକାଇ ଦେଇଛନ୍ତି। ଦୋରଡ ପଞ୍ଚାୟତର ଗୋପୀନାଥପୁର ଗ୍ରାମରେ ପାନୀୟ ଜଳ ସମସ୍ୟା , ଦୋରଡ ଓ ଇଶ୍ବରା ଠାରେ ରାସ୍ତାର ଦୁରାବସ୍ଥା ନେଇ ବାରମ୍ବାର ଅଭିଯୋଗ କରାଯାଇଥିଲା। ହେଲେ ପଞ୍ଚାୟତ କିମ୍ବା ବ୍ଲକ କର୍ତ୍ତୃପକ୍ଷ ଏହାର ସମାଧାନ ଦିଗରେ କୌଣସି ପଦକ୍ଷେପ ନେଲେନାହିଁ । ଫଳରେ ଅଞ୍ଚଳବାସୀଙ୍କ ମଧ୍ଯରେ ଅସନ୍ତୋଷ ଲାଗିରହିଥିଲା । ଏହାକୁ ନେଇ ବିଜେପିର ସମସରପୁର ମଣ୍ତଳ ସଭାପତି ତପନ କୁମାର ଲେଙ୍କାଙ୍କ ନେତୃତ୍ୱରେ ରାଜୀବ ପଟ୍ଟନାୟକ, ସୂର୍ଯ୍ୟକାନ୍ତ ସେଠୀ, ତରୁଣ ପ୍ରଧାନ, ଦିଲୁ ପ୍ରଧାନ, ନରେନ୍ଦ୍ର ସେଠୀ, ରାକେଶ ମହାନ୍ତି, ଦୁର୍ଗେଶ ଭୋଇ ପ୍ରମୁଖଙ୍କ ସମେତ ଅନ୍ଯ ବହୁ ଅସନ୍ତୁଷ୍ଟ ଗ୍ରାମବାସୀ ପଞ୍ଚାୟତ କାର୍ଯ୍ଯଳୟରେ ତାଲା ପକାଇ ପ୍ରତିବାଦ କରିଛନ୍ତି । ସମସ୍ୟା ସମାଧାନ ନ ହେବା ପର୍ଯ୍ୟନ୍ତ ତାଲା ପଡି ରହିବ ବୋଲି ସେମାନେ କହିଛନ୍ତି। ଏ ସମ୍ପର୍କରେ ପଞ୍ଚାୟତର ସରପଞ୍ଚ କିମ୍ବା ବିଡିଓଙ୍କ ପ୍ରତିକ୍ରିୟା ମିଳିପାରିନାହିଁ ।
Popular Categories
Previous article
Next article