ମୁଖୀଗୁଡା: କଳାହାଣ୍ଡି ଜିଲ୍ଲା ଜୟପାଟଣାକୁ ପୂର୍ବ ସରକାର ଏନଏସି ଘୋଷଣା କରିଥିବା ବେଳେ ନୂତନ ସରକାର ଏନଏସି ତାଲିକାରୁ ବାଦ୍ ଦେଇଛନ୍ତି। ଏହାର ପ୍ରତିବାଦରେ ଆଜି ଜୟପାଟଣା ୧୨ ଘଂଟିଆ ବନ୍ଦ ପାଳନ କରାଯାଉଛି । ବିଜୁ ଜନତା ଦଳ ତରଫରୁ ବନ୍ଦ ପାଳନ କରାଯାଉଛି। ଜୟପାଟଣା ରାଜବାଟି ସମ୍ମୁଖରେ ରାସ୍ତା ଅବରୋଧ କରାଯାଇଥିବାରୁ ଗାଡି ମୋଟର ଚଳାଚଳ ବନ୍ଦ ରହିଛି। ଏହାକୁ ସମର୍ଥନ ଜଣାଇ ଦୋକାନ ବଜାର ବନ୍ଦ କରିଛନ୍ତି। ସମସ୍ତ ଶିକ୍ଷା ଅନୁଷ୍ଠାନ, ସରକାରୀ ବେସରକାରୀ କାର୍ଯ୍ୟାଳୟ, ବ୍ୟାଙ୍କ ବନ୍ଦ ରହିଛି। ବସ ଚଳାଚଳ ବନ୍ଦ ରହି ଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ବିଜୁ ଜନତା ଦଳର ଶୈଳେନ୍ଦ୍ର ରାଜ,ସତ୍ୟ ନାରାୟଣ ଅଗ୍ରୱାଲ, ଦିଲ୍ଲୀପ ରାଉତ, ପ୍ରଶାନ୍ତ ମୁଣ୍ଡ, ମୀନକେତନ ପୁଝାରି, ମହସିନ ଖାଁ, ଅମ୍ବେକ୍ଷଜ ଧଙ୍ଗଡାମାଝୀ, ନିବାସ ଅଲ୍ଲୀ, ୟୁସୁପ ଖାଁ, ଶତ୍ରୁଘନ ରାଉତ ପ୍ରମୁଖ ଜୟପାଟଣା ବନ୍ଦ କରିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି।
- Advertisement -
