ସମ୍ବଲପୁର : ବିଶ୍ୱ ଫଟୋଗ୍ରାଫି ଦିବସ ଉପଲକ୍ଷେ ସମ୍ବାଦିକ ଭବନରେ ଏକ ଫଟୋ ପ୍ରଦର୍ଶନୀର ଆୟୋଜନ କରାଯାଇଥିଲା । ଏହି ପ୍ରଦର୍ଶନଟିରେ ପୁରୁଣା ସମ୍ବାଦପତ୍ର, ଐତିହାସିକ ଫଟୋ , ପୋଟ୍ରେଟ ଫୋଟୋଗ୍ରାଫି, ଏବଂ ଟ୍ରାଭେଲ ଫଟୋଗ୍ରାଫି ପ୍ରଦର୍ଶିତ ହୋଇଥିଲା। ଏହି ପ୍ରଦର୍ଶନୀର ଉଦ୍ଘାଟନ ସମ୍ବଲପୁର ଜିଲାପାଳ ସିଦ୍ଧେଶ୍ୱର ବଳିରାମ ବୋନ୍ଦରଙ୍କ ଦ୍ୱାରା କରାଯାଇଥିଲା । ଜିଲାପାଳ ଆଗାମୀ ଦିନରେ ଏହି କାର୍ଯ୍ୟକ୍ରମକୁ ବଡ ଆକାରରେ ଆୟୋଜନ କରିବାକୁ ପରାମର୍ଶ ଦେଇଥିଲେ । ସେଥିପାଇଁ ପ୍ରଶାସନ ପକ୍ଷରୁ ସହଯୋଗ ମିଳିବ। ସମ୍ବଲପୁରରେ ଆୟୋଜନ ହେଉଥିବା ବିଭିନ୍ନ ମହୋତ୍ସବ, କ୍ରିଡା ଆଦି କାର୍ଯ୍ୟକ୍ରମର ଫଟୋ, ପୁରୁଣା ସ୍ମୃତିର ଫଟୋ, ବିଭିନ୍ନ ପର୍ଯ୍ୟଟନ ସ୍ଥଳୀର ଫଟୋ ଗୁଡିକର ବହି କରିବା ପାଇଁ ପରାମର୍ଶ ଦେଇଥିଲେ। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା ଫଟୋଗ୍ରାଫି କଳାକୁ ସମ୍ମାନ ଦେବା ସହ ଏହା ମାଧ୍ୟମରେ ଅଞ୍ଚଳର ଐତିହ୍ୟ ଓ ସାଂସ୍କୃତିକ ବିରାସତକୁ ପ୍ରଦର୍ଶନ କରିବା। ସୁଭାଷ ପାଣିଗ୍ରାହୀ ଓ ଶଙ୍କର ବେହେରାଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅନେକ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ ।
Popular Categories
Previous article
Next article