ଗଞ୍ଜାମ: ୧୬ ନମ୍ବର ଜାତୀୟ ରାଜପଥର ଲକ୍ଷ୍ମୀପୁର ଓଭର ବ୍ରିଜି ଉପରେ ଦୁଇଟି ଗାଡି ଧକ୍କାରେ ୮ ଗୋରୁ ପ୍ରାଣ ହରାଇଛନ୍ତି। ରାତିରେ ଗୋରୁ ରାଜପଥ ଉପରେ ଶୋଇଥିବା ବେଳେ ସେମାନଙ୍କ ଉପରେ ଏକ ଟ୍ରକ ଓ କାର ଚଢ଼ିଯାଇଥିଲା। ଏଥିରେ ଅନ୍ୟ କେତେକ ଗୋରୁ ଆହତ ହୋଇଛନ୍ତି।
ଖବର ପାଇ ଗଞ୍ଜାମ ସହରର ଯୁବ ସ୍ବେଚ୍ଛୋସେବୀ ସୁଧୀର ପାଢ଼ୀ, ମନୋଜ ପ୍ରଧାନ, କେ. ଏଲେୟା, ଧରଣୀ ସାହୁ, ପ୍ରତୀକ କୁମାର ରାଉଳ, ଆକାଶ ଗୌଡ଼, ବିଶ୍ୱ ନାଥ ମହାକୁଡ଼, ଜିତୁ ସାହୁ ଦୁର୍ଘଟଣା ସ୍ଥଳରେ ପହଂଚି ଗୋରୁଙ୍କ ମୃତଦେହ ଉଦ୍ଧାର କରି ଜେସିବି ସାହାର୍ଯ୍ୟରେ ଗାତ ଖୋଳି ପୋତିଥିଲେ।
- Advertisement -
ସୂଚନା ଅନୁସାରେ, ଗୋପାଳକମାନେ ଗୋରୁଙ୍କୁ ଫିଟାଇ ଦେଉଛନ୍ତି। ଯାହାଫଳରେ ସେମାନେ ଜାତୀୟ ରାଜପଥ ଉପରେ ଶୋଇ ରହୁଛନ୍ତି। ଏଥିପାଇଁ ଜନସାଧାରଣଙ୍କ ଯାତାୟାତରେ ଅସୁବିଧା ହେଉଛି। ଗୋରୁ ପାଳନ କରୁଥିବା ମାଲିକମାନଙ୍କ ଦାୟିତ୍ୱହୀନତା ଯୋଗୁଁ ପ୍ରତେକ ଦିନ ସଡ଼କ ଦୁର୍ଘଟଣାରେ ଗୋରୁଙ୍କ ମୃତ୍ୟୁ ଘଟିଛି। ଏହାକୁ ନେି ବୁଦ୍ଧିଜୀବୀ ମହଲରେ ଅସନ୍ତୋଷ ପ୍ରକାଶ ପାଇଛି।
