ନୂଆଦିଲ୍ଲୀ : ଅନେକ ସମୟରେ ସୋସିଆଲ ମିଡିଆରେ ଏଭଳି ଭିଡିଓ ଭାଇରାଲ୍ ହୋଇଥାଏ, ଯାହା ଖୁବ୍ ଭୟଭୀତ କରିବା ସହ ସଭିଁଙ୍କ ହୃଦୟକୁ ଗଭୀର ଦୁଃଖ ପ୍ରଦାନ କରେ । ଅସାବଧାନତା କାରଣରୁ ଦୁର୍ଘଟଣା ଘଟୁଥିବାର ଅନେକ ଭିଡିଓ ତ ନିଶ୍ଚୟ ଦେଖିଥିବେ । ନିକଟରେ ଦ୍ରୁତ ଗତିରେ ଭାଇରାଲ୍ ହେଉଥିବା ଛାତିଥରା ଏକ ଭିଡିଓ ଦେଖି ଲୋକେ ଭୟଭୀତ ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
इस वीडियो में आप किसकी गलती मानते हैं?
•बच्चे की
•पिता की
•ड्राइवर कीमेरे हिसाब से सबसे बड़ी गलती पिता की है, क्योंकि ऐसी जगह पर बच्चे की सुरक्षा और ध्यान उनकी जिम्मेदारी है,
आप क्या सोचते हैं ? pic.twitter.com/f3jph2xwyi
— Vikku Sachan (@vikkusachan) August 5, 2025
ଭିଡିଓରେ ଦେଖିପାରିବେ, ଏକ ସର୍ବସାଧାରଣ ପାର୍କିଂ ଭଳି ଦେଖାଯାଉଥିବା ସ୍ଥାନରେ କିଛି କାର୍ ରହିଛି । ଏକ କାର୍ ନିକଟରେ ଜଣେ ବ୍ୟକ୍ତି ଠିଆ ହୋଇଛନ୍ତି ଓ ମୋବାଇଲ୍ ଦେଖୁଛନ୍ତି । ତାଙ୍କ ନିକଟରେ ଏକ ଶିଶୁ ମଧ୍ୟ ରହିଛି । ବ୍ୟକ୍ତି ଜଣକ ଶିଶୁଟିର ବାପା ବୋଲି ଜଣାପଡିଛି । ସେ ଫୋନ୍ରେ ବ୍ୟସ୍ତ ଥିବା ବେଳେ ଶିଶୁଟି ହଠାତ୍ ରାସ୍ତା ଆଡକୁ ଦୌଡି ପଳାଉଛି, ମାତ୍ର ସେହି ସମୟରେ ଏକ କାର୍ ଆସି ଶିଶୁଟିକୁ ଧକ୍କା ଦେଉଛି । କାର୍ଟି ଶିଶୁ ଉପରେ ଚଢି ଯିବା ଭଳି ଜଣାପଡୁଛି । କାର୍ ଚାଳକ ତୁରନ୍ତ କାରକ୍କୁ ଅଟକାଉଛନ୍ତି । ମାତ୍ର ଶିଶୁଟି ଗୁରୁତର ହୋଇଥିବା ଭଳି ଭିଡିଓ ଦେଖିଲେ ଅନୁଭବ ହେଉଛି । ଶିଶୁଟିର ବାପା ଖୁବ୍ ଜୋର୍ରେ ଚିତ୍କାର କରିବା ସହ ସେଠାରେ ଲୋକେ ଏକାଠି ମଧ୍ୟ ହେଉଛନ୍ତି । କିଛି କାର୍ ଚାଳକଙ୍କୁ ମାଡ ମାରୁଥିବା ମଧ୍ୟ ଦେଖାଯାଉଛି । ଭିଡିଓଟି କେଉଁ ସ୍ଥାନର ତାହାର କୌଣସି ସ୍ପଷ୍ଟତା ମିଳି ନାହିଁ । ମାତ୍ର ଅଧିକାଂଶ ଭିଡିଓ ଦେଖି ପ୍ରଶ୍ନ କରିଛନ୍ତି ଭୁଲ୍ କାହାର?
