ରଣପୁରଗଡ଼: ପୂର୍ବରୁ ବିଦ୍ୟୁତ ବିଭାଗରେ ବହୁ ଦୁର୍ଘଟଣା ଘଟୁଥିଲା। ଅନେକ ବିଦ୍ୟୁତ କର୍ମଚାରୀ ମୃତାହତ ହେଉଥିଲେ। ଫଳରେ ବିଦ୍ୟୁତ ବିଭାଗକୁ କ୍ଷତିପୂରଣ ପାଇଁ ବହୁ ଅର୍ଥ ଦେବାକୁ ପଡୁଥିଲା। ଏବେକାର ବିଦ୍ୟୁତ ବିତରଣ କମ୍ପାନୀ ସୁରକ୍ଷା ପ୍ରତି ଯତ୍ନଶୀଳ ହୋଇ ସୁରକ୍ଷା ଅଧିକାରୀ ନିଯୁକ୍ତ କରିଛନ୍ତି। ତଥାପି ସୁରକ୍ଷାରେ ଅବହେଳା ହେଉଥିବା ଅଭିଯୋଗ ହେଉଛି। ଯଥା ପୂର୍ବମ୍ ତଥା ପରମ୍ ନୀତିରେ ଚାଲିଛି କର୍ମଚାରୀ ସୁରକ୍ଷା। ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ବାଲୁଗାଁ ଖଣ୍ଡ ଟାଙ୍ଗୀ ଉପଖଣ୍ଡ ନୟାଗଡ଼ ଜିଲ୍ଲା ରଣପୁର ବିଦ୍ୟୁତ ପରିବଣ୍ଟନ ଅଧିନରେ କାର୍ଯ୍ୟରତ ବିଦ୍ୟୁତ କର୍ମଚାରୀଙ୍କ କ୍ଷେତ୍ରରେ। ଏବେବି ପୂର୍ବଭଳି ଗାଁ ଗାଁରେ ଖତରା ବାଉଁଶ ନିଶୁଣୀ ଧରି ବୁଲୁଛନ୍ତି ବିଦ୍ୟୁତ କର୍ମଚାରୀ। ଅନେକ ସମୟରେ ନିଶୁଣୀରୁ ପଡ଼ି ମୃତାହତ ହେଉଛନ୍ତି। ବାଉଁଶ ନିଶୁଣୀର ସମୟସୀମା ଥାଏ ତାପରେ ଖତରା। ପଚାରିଲେ କହୁଛନ୍ତି, ଅଫିସ ବାଉଁଶ ନିଶୁଣୀ ଦେଉଛି ଆମେ କହିଲେ ଧମକ ମିଳୁଛି। ରଣପୁର ବିଦ୍ୟୁତ ପରିଚାଳକ ଯନ୍ତ୍ରୀ ସୁଦର୍ଶନ କଦମ ସିଂ କୁହନ୍ତି, ଆମକୁ ବଡ଼ ଖୁଣ୍ଟିରେ ଚଢି କାମ କରିବା ପାଇଁ ଗୋଟିଏ ପ୍ଲାଷ୍ଟିକ୍ ନିଶୁଣୀ ଓ ଦୁଇଟି ବାଉଁଶ ନିଶୁଣୀ ମିଳିଛି, ଆମେ କଣ କରିପାରିବୁ। ତଥାପି ଖତରା ବାଉଁଶ ପ୍ରତି ଦୃଷ୍ଟି ଦିଆଯିବ।
Popular Categories
Previous article
Next article