ନୂଆଦିଲ୍ଲୀ : ହିରୋ ମୋଟୋକର୍ପ ଏଚଏଫ୍ ଡିଲକ୍ସ ପ୍ରୋ ବଜାରରେ ଲଞ୍ଚ୍ କରିଦେଇଛି । କମ୍ପାନୀ ଏହି ନୂଆ ମଡେଲରେ ଟେକ୍ନୋଲୋଜି ଓ ଷ୍ଟାଇଲ୍ ଉଭୟକୁ ସାମିଲ କରିଛି । ଏହି ବାଇକରେ i3s ଟେକ୍ନୋଲୋଜି, ଲୋ ଫ୍ରିକ୍ବେନ୍ସ ଇଞ୍ଜିନ୍, ନୂଆ ଗ୍ରାଫିକ୍ସ, ଏଲଇଡି ହେଡଲାଇଟ୍, ଡିଜିଟାଲ ଇନଷ୍ଟ୍ରୁମେଣ୍ଟ କ୍ଲଷ୍ଟର, ଲୋ ଫ୍ୟୁଲ ଇଣ୍ଡିକେଟର, ୧୮ ଇଞ୍ଚର ହ୍ବିଲ୍ , ଆଡଜଷ୍ଟେବଲ ରିୟର ସସପେନ୍ସନ ଭଳି ଫିଚର୍ ସାମିଲ । ଏହାର ଏକ୍ସ ଶୋରୁମ୍ ଦାମ୍ ୭୩୫୦୦ ଟଙ୍କା ନିର୍ଦ୍ଧାରିତ କରିଛି କମ୍ପାନୀ ।
ଏଥିରେ ୯୭.୨ସିସିର ସିଙ୍ଗଲ ସିଲିଣ୍ଡର ଏୟାର କୁଲ୍ଡ ଇଞ୍ଜିନ୍ ଦିଆଯାଇଛି । ଏଥିରେ ୭.୯ ବିଏଚପିର ସର୍ବାଧିକ ପାଓ୍ବର ଓ ୮.୦୫ ନ୍ୟୁଟନ ମିଟର ସର୍ବାଧିକ ଟର୍କ ଉତ୍ପନ କରିଥାଏ । କମ୍ପାନୀ ତରଫରୁ ଏହି ବାଇକକୁ ଏଣ୍ଟ୍ରି ଲେବଲ ବାଇକ ସେଗମେଣ୍ଟରେ ଲଞ୍ଚ୍ କରାଯାଇଛି । ଏହାର ସିଧା ମୁକାବିଲା ବଜାଜ, ଟିଭିଏସ୍ , ହୋଣ୍ଡାର ଏଣ୍ଟ୍ରି ଲେବଲ ବାଇକ୍ ସହ ହେବ । କହିରଖୁଛୁ ୧୦୦ ସିସି କ୍ଷେତ୍ରରେ ଏଚଏଫ୍ ଡିଲକ୍ସର ଚାହିଦା ବହୁତ ଅଧିକ ।
