ପ୍ରାୟତଃ ଆମ ସମସ୍ତଙ୍କ ଘରେ ପାନମଧୁରୀ ନିଶ୍ଚିତ୍ତ ଥାଏ। ଏହାକୁ ପାନରେ ଖାଇବା ସହ ଅନେକ ଖାଦ୍ୟ ପଦାର୍ଥ ପ୍ରସ୍ତୁତିରେ ବ୍ୟବହାର କରାଯାଏ। କୌଣସି ହୋଟେଲ କିମ୍ବା ରେଷ୍ଟୁରାଣ୍ଟରେ ମଧ୍ୟ ଖାଇବା ପରେ ମିଶ୍ରି ଓ ପାନମଧୁରୀ ଦିଆଯାଇଥାଏ। ଏହାକୁ ଆମେ ଖାଦ୍ୟ ଖାଇବା ପରେ ମାଉଥ୍ ଫ୍ରେସନର୍ ଭାବି ଖାଇଥାଉ। ହେଲେ ଖୁବ୍ କମ୍ ଲୋକେ ଏବିଷୟରେ ଜାଣନ୍ତି ଯେ, ପାନମଧୁରୀର ବହୁତ ଉପକାରୀ ଗୁଣ ରହିଛି। ଏହା ପାଟିର ସ୍ବାଦ ବଢ଼ାଇବା ସହ ସ୍ବାସ୍ଥ୍ୟ ପାଇଁ ମଧ୍ୟ ଖୁବ୍ ଲାଭପ୍ରଦ ସାବ୍ୟସ୍ତ ହୋଇଥାଏ। ତେବେ ଚାଲନ୍ତୁ ଜାଣିବା ପାନମଧୁରୀ ଖାଇବା ଦ୍ବାରା ଆମକୁ କ’ଣ ଲାଭ ମିଳିଥାଏ –
-ପାନମଧୁରୀ ପାଚନକ୍ରିୟାକୁ ସଠିକ୍ ରହିଥାଏ।
-ଏହାକୁ ଚୋବାଇବା ଦ୍ବାରା ଗଳା ସମସ୍ୟା ଦୂର ହୋଇଥାଏ।
-ପାନମଧୁରୀ ରସକୁ ମହୁ ସହ ମିଶାଇ ସେବନ କରିବା ଦ୍ବାରା କାଶ ସମସ୍ୟାରୁ ମୁକ୍ତି ମିଳିଥାଏ।
-ଅଳ୍ପ ଉଷୁମ ପାଣିରେ ପାନମଧୁରୀକୁ ମିଶାଇ ସେବନ କରିବା ଦ୍ବାରା କୋଷ୍ଠକାଠିନ୍ୟରୁ ମୁକ୍ତି ମିଳିଥାଏ।
-ମିଶ୍ରି ସହ ପାନମଧୁରୀକୁ ମିଶାଇ ଖାଇବା ଦ୍ବାରା ପେଟ ସମ୍ବନ୍ଧୀୟ ସମସ୍ୟା ଦୂର ହେବା ସହ ଖଟ୍ଟା ହାକୁଟି ଆସିବା ବନ୍ଦ ହୋଇଥାଏ।
