ଗଞ୍ଜାମ: ଗଞ୍ଜାମ ସହରର ମୁଖ୍ୟ ରାସ୍ତାରେ ପ୍ରତ୍ୟେକ ଦିନବେଳା ଓ ସନ୍ଧ୍ୟାରେ ବୁଲା ଗାଈଗୋରୁଙ୍କ ଉପଦ୍ରଵ ଅଧିକ ମାତ୍ରାରେ ଦେଖିବାକୁ ମିଳିଛି। ଗୁରବାର ଦିନ ଦିନ ଦଶଟା ସମୟରେ ତ୍ରିବେଣୀ ମଠ ଛକ ଓ ବଜାରରେ ପଲ ପଲ ଗାଇଗୋରୁଙ୍କୁ ସହରର ମୁଖ୍ୟ ରାସ୍ତାରେ ଦେଖିବାକୁ ମିଳିଛି। ଯାହା ଫଳରେ ସାଧାରଣ ଲୋକ ମାନେ ଯାତାୟାତ ବେଳେ ଘୋର ଅସୁବିଧା ସମ୍ମୁଖୀନ ହେଉଛନ୍ତି। ଏହି ଅସୁବିଧା ପାଇଁ ବିଭିନ୍ନ ସମୟରେ ଛୋଟ ବଡ଼ ଦୃଘଟଣା ମାନ ଘଟୁଥିବା ଦେଖିବାକୁ ମିଳୁଛି।
ଯାହାକୁ ନେଇ ସାଧାରଣ ଲୋକଙ୍କ ମଧ୍ୟରେ ଘୋର ଅସନ୍ତୋଷ ପ୍ରକାଶ ପାଉଛି। ଏନେଇ ବିଜ୍ଞପିତ ଅଂଚଳର କାଉଁନସିଲ ବୈଠକରେ ଜୋରିମାନା ନିଷ୍ପତି ହୋଇ ଗାଇ ଗୋରୁ ଧରା ହୋଇ କଲ୍ୟାଣପୁର ଯୋଡିରେ ରଖାଯିବ ଏବଂ ଗାଇ ରଖିଥିବା ମାଲିକଙ୍କ ଠାରୁ ଏକ ହଜାର ଜୋରିମାନା ପାଇଁ ସ୍ଥିର ହୋଇଥିଲା। ତାହା କେବଳ କାଗଜ କଲମର ଲେଖା ମଧ୍ୟରେ ସୀମିତ ରହିଛି। ଫଳରେ ବର୍ତମାନ ଦିନବେଳା ଓ ବିଶେଷ କରି ସନ୍ଧ୍ୟା ସମୟରେ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି।
