କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଶିକରପାଇ ପଞ୍ଚାୟତର କଞ୍ଜାମଯୋଡି ଗ୍ରାମର ପ୍ରାଥମିକ ବିଦ୍ୟାଳୟରେ ସୁରକ୍ଷା ପାଚେରୀ ନିମନ୍ତେ ଗ୍ରାମବାସୀ ଅଭିଯୋଗ କରିଛନ୍ତି। ଉକ୍ତ ବିଦ୍ୟାଳୟ ୨୦୧୦ ମସିହା ଫେବୃଆରୀ ମାସ ୧ତାରିଖ ଦିନ ସ୍ଥାପିତ ହୋଇଥିବା ସରକାରୀ ପ୍ରାଥମିକ ବିଦ୍ୟାଳୟରେ ସୁରକ୍ଷା ନିମନ୍ତେ ପାଚେରୀ ନଥିବାରୁ ଲୋକେ ତାର ବାଡ଼ ଦ୍ୱାରା ସୁରକ୍ଷିତ ରଖିଛନ୍ତି। ଉକ୍ତ ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀରେ ମୋଟ ୧୮ଜଣ ଛାତ୍ର ଛାତ୍ରୀଙ୍କୁ ଦୁଇଜଣ ଶିକ୍ଷକ ମନୋଜ ସାହୁକାର ଓ ଉମା ମହେଶ ରହିଛନ୍ତି। ଗ୍ରାମରେ ଲୋକେ ଗାଈ ଗୋରୁ, ଛେଳି ମେଣ୍ଡା ପାଳନ କରିଆସୁଛନ୍ତି। ବର୍ଷା ହେଲେ ବିଦ୍ୟାଳୟ ପାଚେରୀ ନଥିବା ଯୋଗୁଁ ଉକ୍ତ ଗାଈଗୋରୁ ମାନେ ବିଦ୍ୟାଳୟ ପରିସରରେ ଆଶ୍ରୟ ନେବା ଫଳରେ ଗୋବର ମୂତ୍ରରେ ପରିବେଶ ଦୁର୍ଗନ୍ଧରେ ନାକ ଫାଟି ପଡୁଛି। ଯାହା ଫଳରେ ପିଲାମାନେ ଅପରିଷ୍କାର ପରିବେଶରେ ରହି ପାଠ ପଢିବାକୁ ବାଧ୍ୟ ହେଉଛନ୍ତି । ଏହାକୁ ନେଇ ଗ୍ରାମବାସୀ, ବିଦ୍ୟାଳୟ ପରିଚାଳନା କମିଟି ଓ ବିଦ୍ୟାଳୟ ଶିକ୍ଷକ ଉପରିସ୍ଥ ଅଧିକାରୀଙ୍କୁ ଜଣାଇବା ପରେ କୌଣସି କାର୍ଯ୍ୟକରାଯାଇ ନଥିବା ଗ୍ରାମବାସୀ କହିଛନ୍ତି। ବାଧ୍ୟ ହୋଇ ଗ୍ରାମବାସୀ ବିଦ୍ୟାଳୟ ଚାରି ଆଡ଼େ କାଠ ପୋତି ତାର ଜାଲି ଲଗାଇଛନ୍ତି। ଏହାକୁ ତୁରନ୍ତ ପ୍ରସାଶନ ଦୃଷ୍ଟି ଦେଇ ବିଦ୍ୟାଳୟ ଚତୁଃପାର୍ଶ୍ୱରେ ପାଚେରୀ ନିର୍ମାଣ କରିବା ପାଇଁ ସାଧାରଣରେ ଦାବି କରିଛନ୍ତି।
Popular Categories
Previous article
Next article