ରଣପୁରଗଡ : ଖୋର୍ଦ୍ଧା ବନଖଣ୍ଡ ନୟାଗଡ଼ ଜିଲ୍ଲା ରଣପୁର ବନାଞ୍ଚଳରୁ ଗାଁ ମୁହାଁ ଜଙ୍ଗଲୀ ହାତୀ ଆଉ ଜଙ୍ଗଲକୁ ଫେରୁ ନାହାଁନ୍ତି। ଦିନରେ ରାସ୍ତାରେ ଘୁରି ବୁଲୁଥିବା ଦେଖିବାକୁ ମିଳୁଛି। କାହାର କିଛି କ୍ଷତି କରୁନଥିଲେ ମଧ୍ୟ ରାସ୍ତାରେ ଗାଡ଼ି ମଟର ଅଟକି ରହୁଛି। ସନ୍ଧ୍ୟା ହେଲେ ଲୋକମାନେ ଘରୁ ପଦାକୁ ବାହାରିବାକୁ ଭୟ କରୁଛନ୍ତି। ସେଭଳି ଦେଖିବାକୁ ମିଳୁଛି ଗୋପାଳପୁର ବନପାଳ ଅଧିନ ରାଇପଡା ଓ ପଟିଆ ଅଞ୍ଚଳରେ। ଗୋପାଳପୁର ବନପାଳ ଅବିନାଶ ଖୂଣ୍ଟିଆ କୁହନ୍ତି ବୁଲୁଥିବା ଗୋଠଛଡା ଦନ୍ତା ହାତୀ ଠାରେ ଜିପିଏସ୍ କ୍ୟାମେରା ଲାଗିଛି। ସେ ଏବେ ୧୫ ଟିକିଆ ଜଙ୍ଗଲୀ ହାତୀଠାରୁ ଅଲଗା ଭୋବରା ଅଞ୍ଚଳରେ ବୁଲୁଛି। ଅନ୍ୟ ହାତୀମାନେ ପଟିଆ ଜଙ୍ଗଲରେ ଅଛନ୍ତି । ହାତୀ ଚଳପ୍ରଚଳ ସୁଚନା ପାଇଁ ରାଇପଡାଠାରୁ ଆରମ୍ଭ କରି ମୟୁରଝାଲିଆ ପର୍ଯ୍ୟନ୍ତ ୫ ସ୍ଥାନରେ ସୋଲାର ସାଇରନ ଖଞ୍ଜା ଯାଇଛି। ଡ଼ାକବାଜି ଯନ୍ତ୍ର ଯୋଗେ ଜନସାଧାରଣଙ୍କୁ ସଚେତନ କରାଯାଉଥିବା ବନପାଳ ସୂଚନା ଦେଇଛନ୍ତି ।
Popular Categories
Previous article
Next article