ସମାଜ ଡିଜିଟାଲ ଡେସ୍କ: ଆମେରିକାର ଲସ୍ ଆଞ୍ଜେଲସରେ ତୀବ୍ର ହେଉଛି ପ୍ରତିବାଦ । ଏପରିକି ଟ୍ରମ୍ପ ପ୍ରଶାସନ ବିରୋଧରେ ମାମଲା ମଧ୍ୟ ଦାୟର ହୋଇଛି । ପ୍ରବାସୀ ନୀତି ବିରୋଧରେ ଲସ୍ ଆଞ୍ଜେଲସରେ ପ୍ରତିବାଦ ଚାଲିଥିବା ବେଳେ ପରିସ୍ଥିତିକୁ ନିୟନ୍ତ୍ରଣରେ ଆଣିବାକୁ ପୁଲିସ ଲୁହବୁହା ଗ୍ୟାସ ପ୍ରୟୋଗ ସହିତ ରବର ଗୁଳିମାଡ କରୁଛି । ଆମେରିକା ସରକାରଙ୍କ ପ୍ରବାସୀ ନୀତିକୁ ବିରୋଧ କରି ଆନ୍ଦୋଳନକୁ ଓହ୍ଲାଇଛନ୍ତି ହଜାର ହଜାର ସଂଖ୍ୟକ ଲୋକେ । ଟ୍ରମ୍ପ ବିକ୍ଷୋଭ ସ୍ଥାନରେ ନ୍ୟାସନାଲ ଗାର୍ଡଙ୍କୁ ପ୍ରଥମେ ଅସ୍ଥାୟୀ ଭାବେ ନିୟୋଜିତ କରିବା ପରେ ଆକ୍ରୋଶ ଆହୁରି ବଢିଥିଲା । ହେଲେ ଏବେ ୭୦୦ ଆମେରିକୀୟ ସେନାଙ୍କୁ ବିକ୍ଷୋଭସ୍ଥଳରେ ନିୟୋଜିତ କରିବା ପରେ ପ୍ରତିବାଦ ତୀବ୍ର ହୋଇଛି ।
ଟ୍ରମ୍ପଙ୍କ ପଦକ୍ଷେପକୁ କାଲିଫର୍ଣ୍ଣିଆ ଗଭର୍ଣ୍ଣର କଡା ନିନ୍ଦା କରିଛନ୍ତି । ରାଷ୍ଟ୍ରପତିଙ୍କ ପଦକ୍ଷେପ କେବଳ ଉତ୍ତେଜନା ବୃଦ୍ଧି କରିବ ବୋଲି ଗଭର୍ଣ୍ଣର କହିଛନ୍ତି । ଟ୍ରମ୍ପ କାଲିଫର୍ଣ୍ଣିଅ ଗଭର୍ଣ୍ଣର ଗୌବିନ୍ ନ୍ୟୁଜମ୍ ଙ୍କୁ ଗିରଫ କରିବାକୁ ମଧ୍ୟ ଧଉଳ ଦେଇଛନ୍ତି । ଲସ୍ ଆଞ୍ଜେଲସ୍ ଉତ୍ତେଜନାକୁ ନେଇ ସେଠାରେ ରାଜନୀତି ଜୋର ଧରିଛି । ବିକ୍ଷୋଭ ପ୍ରଦର୍ଶନର ଖବର ସଂଗ୍ରହ କରୁଥିବା ବେଳେ ଜଣେ ସାମ୍ବାଦିକ ପୁଲିସ ଗୁଳିମାଡର ଶିକାର ହୋଇଛନ୍ତି । ହେଲେ ଅଳ୍ପକେ ବର୍ତ୍ତ ଯାଇଛନ୍ତି ମହିଳା ସାମ୍ବାଦିକ ।
