ଲାଞ୍ଜିଗଡ: ଲାଞ୍ଜିଗଡ ବ୍ଲକ ବାତେଲିମା ପଞ୍ଚାୟତ ବୋରିଂପଦର ଖେଳ ପଡ଼ିଆରେ ଚାଲିଥିବା ମା’ ଧରଣୀ ନକଆଉଟ କ୍ରିକେଟ ଟୁର୍ଣ୍ଣାମେଣ୍ଟ ସୋମବାର ଫାଇନାଲ ମ୍ୟାଚ ସହିତ ଉଦଯାପିତ ହୋଇଯାଇଛି। ଫାଇନାଲ ମ୍ୟାଚରେ ବାଣୀପଙ୍ଗା କ୍ରିକେଟ ଟିମ୍ ଚମ୍ପାଦେଇପୁରକୁ ହରାଇ ଚମ୍ପିଆନ ହୋଇଛି। ଚମ୍ପାଦେଇପୁର ଟସ୍ ଜିତି ବାଣୀପଙ୍ଗା ଟିମ୍କୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ବାଣୀପଙ୍ଗା ୧୫ ଓଭରରେ ୮ ୱିକେଟ୍ ବିନିମୟରେ ୧୩୦ ରନ୍ କରିଥିଲା। ଜବାବରେ ଚମ୍ପାଦେଇପୁର ଟିମ ୧୨ ଓଭରରେ ସମସ୍ତ ଉଇକେଟ ହରାଇ ମାତ୍ର ୮୪ ରନ୍ କରିପାରିଥିଲା। ଫଳରେ ବାଣୀପଙ୍ଗା ୪୬ ରନରେ ବିଜୟୀ ହୋଇଥିଲା।
ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ଜଗନ୍ନାଥପୁର ସମିତିସଭ୍ୟ ପ୍ରଦୀପ ମାଝୀ ଯୋଗଦେଇଥିବାବେଳେ ସମ୍ମାନିତ ଅତିଥି ଭାବେ ଲାଞ୍ଜିଗଡ ପ୍ରେସ କ୍ଲବର କୋଷାଧ୍ୟକ୍ଷ ପରେଶ କୁମାର ନାୟକ, ସଦସ୍ୟ ତଥା ଯୁବ ସାମ୍ବାଦିକ ପ୍ରଭୁରଞ୍ଜନ ସାମଲ, ଯୁବ ସମାଜସେବୀ ମୂରଲୀ ନାଏକ, ତରୁଣ କୁମାର ସାମଲ, ଅମିନ ମାଝୀ ପ୍ରମୁଖ ଯୋଗ ଦେଇଥିଲେ।
ଭକ୍ତପ୍ରସାଦ ଦୋରା ଓ ବିପ୍ର ହରିଜନ ମ୍ୟାଚ ପରିଚାଳନା କରିଥିଲେ। ସ୍କୋର ବୋର୍ଡ ଦାୟିତ୍ୱରେ ଦାନେ ମାଝୀ ରହିଥିଲେ। ମା’ ଧରଣୀ ଯୁବକ ସଂଘର କର୍ମକର୍ତ୍ତା ଚନ୍ଦ୍ର ମାଝୀ, ଗୌନ୍ତିଆ କୃଷ୍ଣଚନ୍ଦ୍ର ଗଉଡ଼, ଶିବ ମାଝୀ, ଜୟ ମାଝୀ, ଚଇତ ମାଝୀ, କ୍ଷେତ୍ର ମାଝୀ, ନିରଞ୍ଜନ ମାଝୀ, ଆନନ୍ଦ ଗଉଡ଼ ପ୍ରମୁଖ ଟୁର୍ଣ୍ଣାମେଣ୍ଟ ପରିଚାଳନାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
