ସମାଜ ଡିଜିଟାଲ ଡେସ୍କ: ଆଜିଠୁ ଅଯୋଧ୍ୟାରେ ରାମ ଦରବାର ସମେତ ୭ଟି ମନ୍ଦିରର ଚାଲିଛି ପ୍ରାଣ ପ୍ରତିଷ୍ଠା ଉତ୍ସବ । ୫ ତାରିଖ ପର୍ଯ୍ୟନ୍ତ ଚାଲିବ ଭବ୍ୟ ସମାରୋହ । ନିର୍ଦ୍ଧାରିତ ସମୟରେ ପ୍ରାଣ ପ୍ରତିଷ୍ଠା ଉତ୍ସବ ଆରମ୍ଭ ହୋଇଥିବା ବେଳେ ଏଥିରେ ୧୦୧ ବୈଦିକ ଆଚାର୍ଯ୍ୟ ସାମିଲ ହୋଇ ପୂଜାର୍ଚ୍ଚନା କରୁଛନ୍ତି । ଅଯୋଧ୍ୟା, କାଶୀ, ପ୍ରୟାଗରାଜ ସମେତ ଅନ୍ୟ ତୀର୍ଥସ୍ଥାନରୁ ଆସିଛନ୍ତି ବୈଦିକ ଆଚାର୍ଯ୍ୟ । ସମାରୋହ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ଏକ କଳାଶ ଯାତ୍ରା ବାହାର କରାଯାଇଥିଲା । ପ୍ରାଣ ପ୍ରତିଷ୍ଠା ଉତ୍ସବରେ ରାମ ମନ୍ଦିରକୁ କନ୍ୟା ପରି ସଜାଯାଇଛି । ରାମ ଜନ୍ମଭୂମି ଟ୍ରଷ୍ଟ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ପ୍ରଥମ ଦିନରେ ସକାଳ୬ଟା ୩୦ମିନିଟରୁ ପୂଜାପାଠ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟା ୩୦ମିନିଟ ପର୍ଯ୍ୟନ୍ତ ଚାଲିବ । ପ୍ରସିଦ୍ଧ ପଣ୍ଡିତ ଜୟପ୍ରକାଶଙ୍କ ନେତୃତ୍ୱରେ ୧୦୧ଜଣ ବୈଦିକ ଆଚାର୍ଯ୍ୟ ଏହି ପୂଜାର୍ଚ୍ଚନା କରୁଛନ୍ତି ।
#WATCH | Ayodhya, UP | Shri Ram Janmbhoomi temple is illuminated with beautiful lights ahead of the Pran Pratishtha ceremony of Ram Darbar, scheduled for today, June 3. pic.twitter.com/nESAOsQVZm
— ANI (@ANI) June 2, 2025
