ଫୁଲବାଣୀ : ଯେଉଁ ଆମ୍ବ ଟାକୁଆ ନେଇ ବିଗତ ଦିନରେ ଜିଲ୍ଲା , ରାଜ୍ୟ ଓ ଦେଶରେ ହଇଚଇ ସୃଷ୍ଟି ହୋଇଥିଲା ତାହାର ପୁନରାବୃତ୍ତିକୁ ପଣ୍ଡ କରିଛି ଜିଲା ଖାଉଟି କଲ୍ୟାଣ ବିଭାଗ । ୩୫ ରୁ ୪୦ ବସ୍ତା ଆମ୍ବ ଟାକୁଆ ବିକ୍ରି ପାଇଁ ରଖାଯାଇଥିବାବେଳେ ବିଶେଷ ସୁତ୍ରରୁ ଖବର ପାଇ ମାଡ଼ିବସିଲା ଫୁଲବାଣୀ ସିଭିଲ ସପ୍ଲାଏ ବିଭାଗ । ସୂଚନା ପ୍ରକାରେ ଫୁଲବାଣୀ ସହର ସ୍ଥିତ ଲକ୍ଷ୍ମୀ ବଜାରରେ ଥିବା ମନ୍ଦାକିନ ଟ୍ରେଡରରେ ଆମ୍ବ କୋଇଲି ଥିବା ଖବର ପାଇ ଖାଦ୍ୟ ସୁରକ୍ଷା ଅଧିକାରୀ ଓ ସିଭିଲ ସପ୍ଲାଏ ବିଭାଗ ମିଳିତ ଭାବେ ଚଢାଉ କରିଥିଲେ । ଏହାର ବିକ୍ରି ପାଇଁ କୌଣସି ଲାଇସେନ୍ସ ନଦେଖାଇ ପାରିଥିବାରୁ ଖାଦ୍ୟ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା ବୋଲି ବିଭାଗ ପକ୍ଷରୁ କୁହାଯାଇଛି । ତେବେ ଏ ନେଇ ବିଭାଗ ପକ୍ଷରୁ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ଯୋଗାଣ ଓ ଖାଦ୍ୟ ସୁରକ୍ଷା ଅଧିକାରୀ ଜ୍ଞାନେନ୍ଦ୍ରିୟ ମିଶ୍ର କହିଛନ୍ତି ।
Popular Categories
Previous article
Next article