କେନ୍ଦ୍ରାପଡ଼ା : କେନ୍ଦ୍ରାପଡ଼ା ଜିଲା ପାଟକୁରା ଚିତ୍ରତ୍ପୋଳା ନଦୀବନ୍ଧରେ ଶନିବାର ଭୋରୁ ଏକ ବିବାହ ପ୍ରସେସନ୍ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଥିବା ଜଣାପଡ଼ିଛି। ମୃତ ବ୍ୟକ୍ତିଙ୍କ ନାଁ ଭରତ ଚନ୍ଦ୍ର ମଲ୍ଲିକ। ଗୁରୁତରମାନଙ୍କୁ ପ୍ରଥମେ କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ଅବସ୍ଥା ସଙ୍କଟାପନ୍ନ ଥିବାରୁ ପ୍ରାଥମିକ ଚିକିତ୍ସା ପରେ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି।
ସୂଚନା ଅନୁସାରେ, ପ୍ରସେସନ୍ ଗାଡ଼ିଟି ପାଟକୁରା ଅଞ୍ଚଳରୁ ମେହେନ୍ଦୀନଗର ଫେରୁଥିଲା। ଏହି ସମୟରେ ଭାରସାମ୍ୟ ହରାଇ ନଦୀବନ୍ଧରେ ଓଲଟି ପଡ଼ିଥିଲା। ଏଥିରେ ଏକ ବ୍ୟାଣ୍ଡପାର୍ଟିର ଲୋକ ବସିଥିଲେ। ସେମାନେ ଶୁକ୍ରବାର ରାତିରେ ପାଟକୁରା ଅଞ୍ଚଳରେ ଏକ ବାହାଘର ଶୋଭାଯାତ୍ରାରେ ସାମିଲ ହୋଇ ଫେରୁଥିଲେ।
