ପାଟଣା : ପଶ୍ଚିମବଙ୍ଗ ଦୁର୍ଗାପୁରର ଶ୍ୟାମପଦ ଶର୍ମା ନାମକ ଜଣେ ଉତ୍ସାହି ବ୍ୟକ୍ତି ବିଶ୍ୱଶାନ୍ତିର ବାର୍ତ୍ତା ନେଇ ସମଗ୍ର ଭାରତ ଭ୍ରମଣ କରୁଛନ୍ତି। ୨୦୦୭ ରୁ ଦୁର୍ଗାପୁରରୁ ବିଶ୍ୱଶାନ୍ତି ଯାତ୍ରା ଆରମ୍ଭ କରିଥିବା ଶ୍ୟାମପଦ ଇତି ମଧ୍ୟରେ ଭୁଟାନ, କନ୍ୟାକୁମାରୀ, ଲେହ ଲଦାଖ, ଅଗରତାଲା, ସିଲିଗୁଡି, ଶ୍ରୀନଗର,କାଠମାଣ୍ଡୁ ଆଦି ଅନେକ ପ୍ରମୁଖ ସ୍ଥାନ ସାଇକେଲରେ ବୁଲି ସାରିଲେଣି। ପ୍ରତ୍ୟହ ସେ ୫୦ ରୁ ୬୦ କିଲୋମିଟର ଯାତ୍ରା କରିବା ପରେ କୌଣସି ବଦାନ୍ୟ ବ୍ୟକ୍ତି ଅଥବା ଅନୁଷ୍ଠାନ ତାଙ୍କୁ ରାତ୍ର ରହଣି ପାଈଁ ଆଶ୍ରୟ ଦେଲେ ସେ ସେଠାରେ ବିଶ୍ରାମ ନେଇ ଥାନ୍ତି। ଜଣେ ଭଦ୍ର ଶାନ୍ତ ଓ ସରଳ ବ୍ୟକ୍ତିତ୍ୱର ଶ୍ୟାମପଦ ଇତି ମଧ୍ୟରେ ଭାରତର ସମସ୍ତ ରାଜ୍ୟ ସାଇକେଲରେ ପରିଭ୍ରମଣ କରି ସାରିଥିବାବେଳେ କେବଳ ତାଙ୍କର ଗୁଜୁରାଟ ରାଜ୍ୟ ଭ୍ରମଣ ବାକି ରହିଛି। ଜାତୀୟ ରାଜପଥ ୪୯ ନଂ ରେ ସେ ଆସୁଥିବା ସମୟରେ ଗତକାଲି ତୁରୁମୁଙ୍ଗାର ପ୍ରଭାତ କୁମାର ସାହୁ ତାଙ୍କୁ ଆତିଥେୟତା ପ୍ରଦାନ କରିଥିବା ବେଳେ ସେ ଯୁଦ୍ଧ ନୁହେଁ ଶାନ୍ତି ଓ ବାସୁଦେବେଇ କୁଟୁମ୍ବକମର ବାର୍ତ୍ତା ନେଇ ବିଶ୍ୱଶାନ୍ତି ଯାତ୍ରା ଆରମ୍ଭ କରିଥିଲେ ବୋଲି ଗଣମାଧ୍ୟମକୁ କହିଛନ୍ତି।
Popular Categories
Previous article
Next article