ନୂଆଦିଲ୍ଲୀ : ବାଇକ୍ରେ ଆସି ଚେନ୍ ଲୁଟ୍ର ଅନେକ ଘଟଣା ବାରମ୍ବାର ସାମ୍ନାକୁ ଆସିଥାଏ। ଦିନ ଦ୍ୱିପ୍ରହରରେ ମଧ୍ୟ ଚେନ୍ ଲୁଟ୍ କରି ଫେରାର୍ ହୋଇ ଯାନ୍ତି ଦୁର୍ବୃତ୍ତ। ଚେନ୍ ଠାରୁ ଆରମ୍ଭ କରି ପର୍ସ ଲୁଟ୍ର ଭିଡିଓ ବାରମ୍ବାର ଭାଇରାଲ୍ ହେଉଛି । ନିକଟରେ ସୋସିଆଲ ମିଡିଆରେ ଲୁଟ୍ର ଏଭଳି ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି ଯାହା ହୋସ୍ ଉଡାଇବା ସହ ଭୟଭୀତ ମଧ୍ୟ କରୁଛି।
ଭାଇରାଲ୍ ହେଉଥିବା ଭିଡିଓରେ ଦେଖିପାରିବେ, ଗୋଟିଏ ବାଇକ୍ରେ ୨ ଜଣ ଜଣେ ସ୍କୁଟି ଆରୋହୀ ମହିଳାଙ୍କ ବେକରୁ ଚେନ୍ ଲୁଟ୍ କରି ଫେରାର ହୋଇଯାଉଛନ୍ତି । ଘଟଣାର ସମ୍ପୂର୍ଣ୍ଣ ସିସିଟିଭି ଫୁଟେଜ୍ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି।
#Hapur कोतवाली के अपना घर कालोनी में
दिनदहाड़े स्कूटी सवार महिला से बाईक सवार बदमाश चैन लूटकर फ़रार हो गए,महिला जमीन पर गिरकर घायल भी हुई है। घटना #CCTVमें हुई कैद।
@digrangemeerut @hapurpolice pic.twitter.com/QppbQF1jBO— Lokesh Rai (@lokeshRlive) April 29, 2025
ଏହି ଭିଡିଓ ଉତ୍ତର ପ୍ରଦେଶର ହାପୁଡ୍ କୋତବାଲୀ କ୍ଷେତ୍ର ସ୍ଥିତ ଏକ କଲୋନୀରେ ଘଟିଛି ବୋଲି ଜଣାପଡିଛି। ଏଠାରେ ଦିନ ଦ୍ୱିପ୍ରହରରେ ବାଇ୍କରେ ୨ ଲୁଟେରା ଆସି ମହିଳାଙ୍କ ବେକରୁ ଚେନ୍ ନେଇ ଫେରାର ହୋଇ ଯାଇଥିଲେ । ଭିଡିଓରେ ସ୍ପଷ୍ଟ ଭାବେ ଦେଖାଯାଉଛି ମହିଳା ସ୍କୁଟି ଚଲାଉଛନ୍ତି, ଦୁର୍ବୃତ୍ତ ବାଇକ୍ରେ ଆସି ଚେନ୍ ନେଇ ଫେରାର ହେଉଛନ୍ତି । ମହିଳା ଜଣକ ସେହି ସମୟରେ ସ୍କୁଟିରୁ ମଧ୍ୟ ପଡି ଯାଉଛନ୍ତି । ସ୍କୁଟିରେ ତାଙ୍କ ସହ ଏକ ଶିଶୁ ଥିବା ମଧ୍ୟ ଦେଖାଯାଉଛି । ଉଭୟ ସ୍କୁଟିରୁ ପଡି ଆହତ ହେଉଛନ୍ତି। ଘଟଣା ବିଷୟରେ ଅଭିଯୋଗ ହେବା ପରେ ପୁଲିସ ତଦନ୍ତ ଆରମ୍ଭ କରିଛି । ଭିଡିଓକୁ ଦେଖିବା ପରେ ଲୋକେ ଭିନ୍ନ ଭିନ୍ନ ମତ ଦେଉଛନ୍ତି।
