ପୁଲିସ ଉପସ୍ଥିତିରେ ପ୍ରଣବଙ୍କ ଗାଡ଼ିକୁ ଆକ୍ରମଣ

ସମାଜ ଡିଜିଟାଲ ଡେସ୍କ: ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟଙ୍କ ଗାଡ଼ି ଉପରେ ଆକ୍ରମର ହୋଇଛି। ଯାଜପୁର ଜିଲା ଆରୁହା ନିକଟରେ ରବିବାର ଏହି ଘଟିଛି। ପୂର୍ବତନ ବିଧାୟକ ପ୍ରଣବ ଆରୁହା ଗ୍ରାମର ହିଙ୍ଗୁଳା ମନ୍ଦିରକୁ ଯାଉଥିବା ସମୟରେ ସ୍ଥାନୀୟ କିଛି ଲୋକ ତାଙ୍କ ଗାଡ଼ିକୁ ଅଟକାଇ ଆକ୍ରମଣ କରିଛନ୍ତି। ପୁଲିସ ଉପସ୍ଥିତିରେ ଉତ୍ତ୍ୟକ୍ତ ଲୋକେ ଠେଙ୍ଗା ଏବଂ ପଥର ମାଡ଼ କରିଛନ୍ତି। ଏହି ଘଟଣା ପାଇଁ ଭୟର ବାତାବରଣ ସୃଷ୍ଟି ହୋଇଥିଲା। ଜଣେ ମହିଳା ପୁଲିସ ଥିଲେ ହେଁ ଆକ୍ରମଣକାରୀମାନେ କୌଣସି ଖାତିର କରି ନ ଥିଲେ। ଖବର ପାଇ ଜେନାପୁର ପୁଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା।