କଲମପୁର : କଲମପୁର ଥାନା ଅଧିନସ୍ଥ ଚୁରାଗାଁ ଠାରେ ବୁଧବାର ଜନୈକ ମହିଳାଙ୍କ ବିଷାକ୍ତ ସାପ କାମୁଡି ଦେଇଥିଲା । ଚିକିତ୍ସା ପାଇଁ ପ୍ରଥମେ କଲମପୁର ଓ ପରବର୍ତ୍ତୀ ସମୟରେ ଭବାନିପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ଭବାନିପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟ ଠାରେ ଚିକିତ୍ସାଧିନ ଅବସ୍ଥାରେ ସାପ କାମୁଡାରେ ଗୁରୁତର ମହିଳାଙ୍କ ମୃତ୍ୟୁ ଘଟିଛି । ସୂଚନା ଅନୁସାରେ ଚୁରାଗାଁର ଜଗବନ୍ଧୁ ପୁଝାରୀଙ୍କ ପତ୍ନୀ ରାମାମଣି ବୁଧବାର ସକାଳେ ଚାଷ ଜମିକୁ ଯାଇ ଘାସ ବାଛୁଥିଲେ । ଏହି ଘାସ ବାଛିବା ସମୟରେ ଏକ ବିଷାକ୍ତ ସାପ ରାମାମଣିକୁ କାମୁଡି ଦେଇଥିଲା । ବିଷାକ୍ତ ସାପ କାମୁଡାରେ ରାମାମଣି ଗୁରୁତର ହେବା ପରେ ତାଙ୍କ ଚିକିତ୍ସା ପାଇଁ ଏକ ଆମ୍ବୁଲାନ୍ସ ସହାୟତାରେ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ଭବାନିପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର ପାଇଁ ଚିକିତ୍ସା ଦାୟିତ୍ୱରେ ଥିବା ଡାକ୍ତର ପରାମର୍ଶ ଦେଇଥିଲେ । ଗୁରୁତର ଅବସ୍ଥାରେ ଭବାନିପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ରମାମଣିଙ୍କ ମୃତ୍ୟୁ ଘଟିଥିଲା । ଏନେଇ କଲମପୁର ପୁଲିସ ଥାନାରେ ଏକ ଅପମୃତ୍ୟୁ ଜନିତ ମାମଲା ରୁଜୁ ହେବା ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ବଡକୁଟୃ ପୁଲିସ ଫାଣ୍ଡି ଅଧିକାରୀ ଶିବ ଶଙ୍କର ମହାନ୍ତି ପହଂଚି ଶବ ଜବତ କରିଛନ୍ତି ।
Popular Categories
Previous article
Next article