ଗଞ୍ଜାମ : ଗଞ୍ଜାମ ଥାନା ଅନ୍ତର୍ଗତ ଜୟଶ୍ରୀ ଛକ ଷୋହଳ ନମ୍ବର ଜାତୀୟ ରାଜପଥ ପାର୍ଶ୍ଵରେ ଥିବା ହଂସରାଜ ବାରରୁ ସୋମବାର ରାତ୍ରରେ ଚୋରି ହୋଇଥିବା ଜଣା ପଡିଛି । ଖବର ପାଇ ଗଞ୍ଜାମ ଥାନାରେ ଥିବା ପ୍ରୋବେସନାରୀ ଆଇପିଏସ ଅଫିସର ମନୀଷ ସଗୁନ, ସେକେଣ୍ଡ ଅଫିସର ଅନିରୁଦ୍ଧ ସ୍ୱାଇଁ, ଏଏସଆଇ ସୁପ୍ରଭା ସାହୁ ପ୍ରମୁଖ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ସେଠାରେ ଲାଗିଥିବା ସିସିଟିଭି ଫୁଟେଜରୁ କିଛି ମାତ୍ରରେ ପୋଲିସକୁ ତଥ୍ୟ ମିଳିଥିଲା । ସୂଚନା ଯୋଗ୍ୟ ଯେ ତିନିଜଣ ଯୁବକ ସୋମବାର ବିଳମ୍ବିତ ରାତିରେ ଛାତ ଉପରୁ ବାରର କବାଟଗ୍ରିଲକୁ ଲୁହା ରଡରେ ତାଡି ମଦ କାଉଣ୍ଟରରେ ପଶି ଡ୍ରରୁ ୭୨ ହଜାର ଟଙ୍କା ଏବଂ ରୁମ ହାର୍ଡଡିକ୍ସ ଚୋରି କରି ନେଇଯାଇଥିବା ଜଣାପଡ଼ିଛି । ଏନେଇ ମ୍ୟାନେଜର ଗଞ୍ଜାମ ଥାନାରେ ଏତଲା ଦେଇଛନ୍ତି । ସମସ୍ତ ତିନିଜଣ ଯୁବକ କମ ବୟସର ବୋଲି ଫୁଟେଜରୁ ଅନୁମାନ କରାଯାଉଛି । ଘଟଣାର ତଦନ୍ତ ଜାରି ରହିଛି ବୋଲି ପୁଲିସ ସୂଚନା ଦେଇଛି ।
Popular Categories
Previous article
Next article