କଣ୍ଟାବାଞ୍ଜି : କଣ୍ଟାବାଞ୍ଜି -ବଙ୍ଗୋମୁଣ୍ଡା ରାସ୍ତା ବଙ୍ଗୋମୁଣ୍ଡା ନିକଟରେ ଅବକାରୀ ବିଭାଗ ୧୦ ଲିଟର କଫ୍ ସିରପ ଜବତ କରିବା ସହ ଜଣଙ୍କୁ ଗିରଫ କରିଛି । ବିଶ୍ୱସ୍ତ ସୂତ୍ରରୁ ଖବରପାଇ ପୂର୍ବରୁ ଛକି ରହିଥିବାବେଳେ ବାଇକରେ କୋଡିନ ଯୁକ୍ତ ଧରି ବଙ୍ଗୋମୁଣ୍ଡା ଅଞ୍ଚଳକୁ ବିକ୍ରି କରିବାକୁ ଆସୁଥିବାବେଳେ ଯାଞ୍ଚ ସମୟରେ ୧୦୦ ବୋତଲ ( ୧୦୦ ଏମ ଏଲ ) କଫ୍ ସିରପ ସହ ବାଇକ ଜବତ କରିଥିବା ଅବକାରୀ ନିରୀକ୍ଷକ କଣ୍ଟାବାଞ୍ଜି ସଚିନ ବେହେରା ସୂଚନା ଦେଇଛନ୍ତି । ଅଭିଯୁକ୍ତ ସୀତାରାମ ସା ବଙ୍ଗୋମୁଣ୍ଡା ନିବାସୀ ବୋଲି ଜଣାପଡିଛି । ସୀତାରାମ ଆଜି ଟିକ୍ରାପଡା ଅଂଚଳରୁ କଫ୍ ସିରପ ଧରି ବଙ୍ଗୋମୁଣ୍ଡାକୁ ବିକ୍ରି କରିବାକୁ ଆଣୁଥିଲା । ପୂର୍ବରୁ ରାସ୍ତାରେ ଛକି ରହିଥିବା ବଙ୍ଗୋମୁଣ୍ଡା ଅବକାରୀ ଥାନା ଇନଚାର୍ଜ ସୁମିତ କୁମାରସାହୁଙ୍କ ସହ ଅବକାରୀ ଷ୍ଟାଫ ତାଙ୍କୁ ଧରିବାକୁ ସକ୍ଷମ ହୋଇଥିଲେ । ସୀତାରାମଙ୍କ ନାମରେ ଏକ ମାମଲା ରୁଜୁକରି କୋର୍ଟ ଚାଲାଣ କରାଯାଇଥିବା ଅବକାରୀ ନିରୀକ୍ଷକ ବେହେରା ସୂଚନା ଦେଇଛନ୍ତି ।
Popular Categories
Previous article
Next article