ଉତ୍ତରାଖଣ୍ଡ: ଯୌତୁକ ଦାବି ପୂରଣ ନ ହେବାରୁ ଶ୍ୱଶୁର ଘର ଲୋକେ ଜଣେ ବୋହୁଙ୍କୁ ଏଚଆଇଭି ସଂକ୍ରମିତ ଇଞ୍ଜେକ୍ସନ ଦେଇଥିଲେ ବୋଲି ପୁଲିସରେ ଅଭିଯୋଗ କରାଯାଇଛି। ଯୌତୁକ ଦାବି ପୂରଣ ନ କରିବାରୁ ନିର୍ଯାତନା ଦିଆଯିବାଦେବା ସହ ବୋହୁକୁ ତାଙ୍କ ଶ୍ୱଶୁର ଘର ଲୋକେ ବଳପୂର୍ବକ ଏଚଆଇଭି ସଂକ୍ରମିତ ଇଞ୍ଜେକ୍ସନ ଦେଇଥିଲେ ବୋଲି ପୁଲିସ ସୂଚନା ଦେଇଛି।
ମହିଳାଙ୍କ ବାପାଙ୍କ ଦ୍ୱାରା ଦାଖଲ କରାଯାଇଥିବା ରିପୋର୍ଟ ଅନୁଯାୟୀ, ସେ ତାଙ୍କ ଝିଅ ସୋନାଲ ସାଇନିଙ୍କୁ ଫେବୃଆରୀ ୧୫, ୨୦୨୩ ରେ ଉତ୍ତରାଖଣ୍ଡ ହରିଦ୍ୱାରର ନାଥିରାମ ସାଇନିଙ୍କ ପୁଅ ଅଭିଷେକ ଓରଫ ସଚିନଙ୍କ ସହିତ ବିବାହ ଦେଇଥିଲେ। ବିବାହରେ ବର ପରିବାରକୁ ଯୌତୁକ ଭାବରେ ଏକ କାର ଏବଂ ୧୫ ଲକ୍ଷ ଟଙ୍କା ନଗଦ ଦିଆଯାଇଥିଲା। ଏହା ସତ୍ତ୍ୱେ, ଶ୍ୱଶୁର ଘର ଲୋକେ ଖୁସି ନଥିଲେ ଏବଂ କିଛି ମାସ ପରେ ସେମାନେ ଏକ ସ୍କୋର୍ପିଓ ଏସୟୁଭି କାର ଏବଂ ୨୫ ଲକ୍ଷ ଟଙ୍କା ଦାବି କରିଥିଲେ ବୋଲି ଅଭିଯୋଗରେ କୁହାଯାଇଛି।
ହରିଦ୍ୱାରର ଜସୱାୱାଲା ଗାଁରେ ପଞ୍ଚାୟତର ହସ୍ତକ୍ଷେ ପରେ ମହିଳାଙ୍କୁ ତାଙ୍କ ଶ୍ୱଶୁର ଘରକୁ ଫେରାଇ ଦିଆଯାଇଥିଲା। ସେଠାରେ ତାଙ୍କୁ ପୁଣି ଥରେ ଶାରୀରିକ ଏବଂ ମାନସିକ ନିର୍ଯାତନା ଭୋଗିବାକୁ ପଡିଲା ବୋଲି ତାଙ୍କ ବାପା ଅଭିଯୋଗରେ କହିଛନ୍ତି। ଝିଅଟିର ପରିବାର ଅଭିଯୋଗ କରିଛନ୍ତି ଯେ ତାଙ୍କ ଶ୍ୱଶୁର ଘର ଲୋକେ ତାଙ୍କୁ ଏଚଆଇଭି ସଂକ୍ରମିତ ଇଞ୍ଜେକ୍ସନ ଦେଇ ହତ୍ୟା କରିବାକୁ ଷଡ଼ଯନ୍ତ୍ର କରିଥିଲେ। ଯେତେବେଳେ ଝିଅର ସ୍ୱାସ୍ଥ୍ୟାବସ୍ଥା ଖରାପ ହେବାକୁ ଲାଗିଲା, ତାଙ୍କ ବାପାମାଆ ତାଙ୍କୁ ଡାକ୍ତରଖାନାକୁ ନେଇଗଲେ।
ଡାକ୍ତରୀ ପରୀକ୍ଷା ପରେ, ଡାକ୍ତରମାନେ କହିଲେ ଯେ ସେ ଏଚଆଇଭି ସଂକ୍ରମିତ। ଝିଅଟିର ପରିବାରକୁ ଆଶ୍ଚର୍ଯ୍ୟ କଲା ଯେ ଯେତେବେଳେ ତାଙ୍କ ସ୍ୱାମୀ ଅଭିଷେକଙ୍କ ପରୀକ୍ଷା କରାଯାଇଥିଲା, ସେତେବେଳେ ତାଙ୍କୁ ଏଚଆଇଭି ନେଗେଟିଭ୍ ମିଳିଥିଲା। ଏହା ପରେ, ଝିଅଟିର ପରିବାର ପୁଲିସରେ ଅଭିଯୋଗ କରିଥିଲେ, କିନ୍ତୁ ଅଭିଯୁକ୍ତଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନଥିଲା।
ଅଭିଯୋଗକାରୀ ସ୍ଥାନୀୟ କୋର୍ଟକୁ ଯାଇଛନ୍ତି। କୋର୍ଟଙ୍କ ନିର୍ଦ୍ଦେଶରେ, ଗଙ୍ଗୋହ କୋତୱାଲି ପୁଲିସ ଅଭିଷେକ ଓରଫ ସଚିନ, ତାଙ୍କ ବାପାମାଆ ଏବଂ ପରିବାରର ଅନ୍ୟ ସଦସ୍ୟଙ୍କ ବିରୁଦ୍ଧରେ ଯୌତୁକ ନିର୍ଯାତନା, ଆକ୍ରମଣ, ହତ୍ୟା ଉଦ୍ୟମ ସମେତ ଅନେକ ଗମ୍ଭୀର ଧାରା ଅନୁଯାୟୀ ମାମଲା ରୁଜୁ କରିଛି।
